నవీన్ పోలిశెట్టి లిస్ట్ లో మరో సినిమా!

సూపర్ స్టార్ మహేష్ బాబు సొంతంగా బ్యానర్ పెట్టి నిర్మాతగా మారిన సంగతి తెలిసిందే. ‘శ్రీమంతుడు’, ‘బ్రహ్మోత్సవం’, ‘సరిలేరు నీకెవ్వరు’ వంటి సినిమాలకు అతడి జీఎంబీ ఎంటర్టైన్మెంట్స్ బ్యానర్ భాగమైంది. అయితే ఇప్పుడు అడివి శేష్ నటిస్తోన్న ‘మేజర్’ సినిమాతో మహేష్ పూర్తిస్థాయి నిర్మాతగా మారుతున్నాడు. ఇదే మాదిరి వేరే హీరోలతో చిన్న, మీడియం రేంజ్ సినిమాలను నిర్మించాలని మహేష్ ప్లాన్ చేస్తున్నట్లు తెలుస్తోంది. ఈ క్రమంలో ఓ ఆసక్తికర కాంబినేషన్ లో సెట్ చేసినట్లు సమాచారం.

మహేష్ నిర్మాణంలో యంగ్ హీరో నవీన్ పోలిశెట్టి ఓ సినిమా చేయబోతున్నాడట. ఈ సినిమాకి వెంకీ కుడుముల దర్శకత్వం వహించనున్నట్లు సమాచారం. ‘ఛలో’, ‘భీష్మ’ లాంటి సినిమాలతో సూపర్ హిట్లు అందుకోవడంతో టాలీవుడ్ లో దర్శకుడు వెంకీ కుడుములకి డిమాండ్ పెరిగింది. ఆయన తన తదుపరి సినిమా ఓ స్టార్ హీరోతో చేస్తాడని అన్నారు. రామ్ చరణ్ కి కథ చెప్పడానికి ప్రయత్నిస్తున్నాడని.. అలానే మహేష్ బాబు డేట్స్ కోసం ట్రై చేస్తున్నాడని ప్రచారం జరిగింది. కానీ చివరికి నవీన్ పోలిశెట్టితో సినిమా చేయబోతున్నట్లు టాక్.

‘ఏజెంట్ సాయి శ్రీనివాస ఆత్రేయ’, ‘జాతిరత్నాలు’ లాంటి చిత్రాలతో నవీన్ తన టాలెంట్ నిరూపించుకున్నాడు. దీంతో దర్శకనిర్మాతలు అతడితో సినిమా చేయడానికి ముందుకొస్తున్నారు. ఈ క్రమంలో మహేష్ బాబు.. నవీన్ పోలిశెట్టిని హీరోగా పెట్టి సినిమా తీయాలని నిర్ణయించుకున్నాడు. దర్శకుడిగా వెంకీని ఫైనల్ చేశారు. ఈ సినిమాతో వెంకీ కుడుముల హిట్ అందుకుంటే.. కచ్చితంగా అతడి నెక్స్ట్ సినిమాకి పెద్ద హీరో దొరుకుతాడు. త్వరలోనే ఈ ప్రాజెక్ట్ కి సంబంధించిన అధికార ప్రకటన రానుంది.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!