కొరటాల శివ దర్శకత్వంలో సూపర్ స్టార్ మహేష్ బాబు చేస్తున్న భరత్ అనే నేను సినిమా షూటింగ్ వేగంగా సాగుతోంది. ఈ మూవీతో పాటు మహేష్ 25 వ సినిమా కోసం కూడా పనులు దాదాపు పూర్తి అయ్యాయి. భరత్ అనే నేను సినిమా తర్వాత డైరక్టర్ వంశీ పైడి పల్లి దర్శకత్వంలో మహేష్ మూవీ చేయనున్నారు. అమెరికా నేపథ్యములో సాగే ఈ చిత్రం వచ్చే నెల నుంచి సెట్స్ మీదకు వెళ్లనుంది. దీని తర్వాత సినిమాకి కూడా గ్రీన్ సిగ్నల్ ఇచ్చినట్లు సమాచారం. తనతో వన్(నేనొక్కడినే ) అనే సినిమాని తెరకెక్కించిన సుకుమార్ కి మళ్ళీ అవకాశం ఇచ్చినట్లు తెలిసింది. వన్ సినిమా ఆర్ధికంగా విజయం సాధించకపోయినప్పటికీ స్క్రీన్ ప్లే విషయంలో అందరి మెప్పు అందుకుంది. ఓవర్సీస్ లో మంచి కలక్షన్స్ రాబట్టింది.
అందుకే మహేష్ తనకు ప్లాప్ ఇచ్చినప్పటికీ అతని దర్శకత్వంలో మరో మారు చేయడానికి ఒకే చెప్పారు. రీసెంట్ గా సుకుమార్ మహేష్ కి ఒక లైన్ చెప్పారంట. అది నచ్చడంతో స్క్రిప్ట్ గా చేసి తీసుకురమ్మని మహేష్ చెప్పినట్లు ఫిలిం నగర్ వాసులు తెలిపారు. ప్రస్తుతం సుకుమార్ రామ్ చరణ్ హీరోగా రంగస్థలం తెరకెక్కిస్తున్నారు. ఇది పూర్తి అయిన వెంటనే మహేష్ స్క్రిప్ట్ పనిలోకి దిగనున్నారు. మహేష్ 25 వ మూవీ పూర్తి అయ్యేలోపు స్క్రిప్ట్ సిద్ధం చేయాలనీ సుకుమార్ భావిస్తున్నారు. ఈ సారి ఎలాగైనా మహేష్ కి హిట్ ఇవ్వాలని పట్టుదలతో ఉన్నారు.
Home