సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న మూవీ టైటిల్ పై చర్చ జరుగుతోంది. ఏక కాలంలో తెలుగు, తమిళ భాషల్లో తెరకెక్కుతున్న ఈ ఫిల్మ్ 90 శాతం షూటింగ్ పూర్తి చేసుకున్నప్పటికీ ఇంకా టైటిల్ ఖరారు చేయలేదు. ఇన్వెస్ట్ గేషన్ ఆఫీసర్ గా మహేష్ నటిస్తున్న ఈ మూవీకి మొదట్లో వాస్కోడిగామా, స్టన్ గన్, ఎనిమీ, ఏజెంట్ శివ అని పేర్లు వినిపించాయి. కొన్ని రోజుల క్రితం సంభవామి అనే పేరు ప్రచారం లోకి వచ్చింది. నిన్న రాత్రి జరిగిన సాయి ధరమ్ తేజ్ ‘విన్నర్’ ప్రీ రిలీజ్ ఈవెంట్లో నిర్మాత పీవీపీ ఆ చిత్ర ప్రొడ్యూసర్ ఠాగూర్ మధు గురించి మాట్లాడుతూ ‘ఠాగూర్ మధు ఈ ఏడాది మిస్టర్, విన్నర్, సంభవామి యుగే యుగే అనే మూడు సినిమాలు చేస్తున్నారు. అన్నీవిజయవంతమవ్వాలి’ అన్నారు. దీంతో మహేష్ చేస్తున్న సినిమా పేరు ‘సంభవామి యుగే యుగే’ అని ఫ్యాన్స్ నిన్న రాత్రి నుండి ఈ టైటిల్ ను సోషల్ మీడియాలో ట్రెండ్ చేస్తూ సందడి చేస్తున్నారు.
వారి ఉత్సాహాన్ని నీరు గరుస్తూ అది తమచిత్రం టైటిల్ కాదని మురుగదాస్ టీమ్ ప్రకటన చేసింది. దీంతో అభిమానులు ఆగ్రహంతో ఊగిపోతున్నారు. సినిమా మొదలై నెలలు గడుస్తున్నా టైటిల్ కూడా రివీల్ చేయకుండా మురుగదాస్ ఆటలాడుతున్నాడంటూ విరుచుకుపడుతున్నారు. ఫస్ట్ లుక్, టీజర్ గురించి తరవాత, ముందు టైటిల్ గురించి ఓ క్లారిటీ ఇవ్వండంటూ .. సోషల్ మీడియాలో పోస్టులు చేస్తున్నారు. మరి మహేష్ ఫ్యాన్స్ ని మురుగదాస్ ఎలా శాంతిపజేస్తారో చూడాలి.
Also, do SUBSCRIBE to our YouTube channel to get latest Tollywood updates.
