సూపర్ స్టార్ మహేష్ బాబు, యంగ్ రెబల్ స్టార్ ప్రభాస్, యంగ్ టైగర్ ఎన్టీఆర్ లు కలవనున్నారు. ఈ అరుదైన సంఘటనకు కర్ణాటక మాజీ మంత్రి గాలి జనార్దన్ రెడ్డి కూతురు బ్రాహ్మణి వివాహా మహోత్సవం వేదిక కానుంది. హైదరాబాద్ కు చెందిన ప్రముఖ వ్యాపారవేత్త విక్రం దేవారెడ్డి కుమారుడు రాజీవ్‌రెడ్డితో బ్రాహ్మణికి ఇటీవల నిశ్చితార్థం బెంగళూరులో ఘనంగా జరిగింది. ఈ జంటకు బెంగళూరులోని మెయిన్‌ ప్యాలెస్‌ మైదానంలో నవంబరు 16వ తేదీన వివాహం వైభవంగా నిర్వహించనున్నారు.
ఈ పెళ్లికి వీడియో ఆహ్వాన పత్రిక తయారు చేసి జనార్దన్ రెడ్డి వేడుక రేంజ్ ని అమాంతం పెంచారు. ఇప్పుడు వివాహనికి టాలీవుడ్, బాలీవుడ్ స్టార్లను పిలిచి అందరినీ ఆశ్చర్య పరుస్తున్నారు. కల్యాణ మహోత్సవానికి సూపర్ స్టార్ మహేష్ బాబు, యంగ్ రెబల్ స్టార్ ప్రభాస్, యంగ్ టైగర్ ఎన్టీఆర్ తో పాటు అనేక మంది సినీ ప్రముఖులు రానున్నట్లు ప్రచారం జరుగుతోంది. బాలీవుడ్ బాద్ షా షారూఖ్ ఖాన్, కత్రినా కైఫ్ లతో సంగీత్ పార్టీ ఏర్పాటు చేసినట్లు సమాచారం. దాదాపు 200 కోట్లకు పైగా ఖర్చు చేస్తున్న ఈ వేడుక ఎన్నో సంచలనాలకు దారి తీయనుంది.
Home