పవన్, త్రివిక్రమ్ మూవీలో మలయాళ సూపర్ స్టార్

తెలుగు చిత్రాల్లో మాజీ హీరోలను, హీరోయిన్లను నటింపజేయించి హిట్ అందుకోవడం ఈ మధ్య కామన్ అయిపోయింది. మంచి రెమ్యునరేషన్, గుర్తింపు లభిస్తుండడంతో స్టార్ నటీనటులు ఇతర హీరోలతో స్క్రీన్ ని షేర్ చేసుకోవడానికి ఆసక్తికనబరుస్తున్నారు. త్రివిక్రమ్ తో పవన్ చేస్తున్న సినిమాలోనూ సీనియర్ హీరో, హీరోయిన్లు నటిస్తున్నారు. ఇదివరకు కుష్భు ని తీసుకున్న డైరక్టర్ తాజాగా ఇంద్రజకు ఓ కీలక రోల్ ఇచ్చారు. అంతేకాదు సినిమాలో పవర్ ఫుల్ పాత్రకు మలయాళ సూపర్ స్టార్ మమ్ముట్టిని తీసుకున్నట్లు తెలిసింది. ఎంతోమంది తెలుగు డైరక్టర్లు కథలు వినిపించినా, భారీ ఆఫర్లు ఆశ చూపినా ఒకే చెప్పని మమ్ముట్టి.. త్రివిక్రమ్ పై ఉన్న మంచి అభిప్రాయంతో అంగీకరించినట్లు సమాచారం.

ఆయన పాత్ర కొంత సేపు మాత్రమే సినిమాలో కనిపించినప్పటికీ కథను మలుపుతిప్పుతుందని టాక్. సాఫ్ట్ వేర్ ఇంజినీర్ గా పవన్ నటిస్తున్న ఈ చిత్రంలో అను ఇమ్మానియేల్, కీర్తి సురేష్ లు హీరోయిన్లుగా అందాలు ఆరబోయనున్నారు. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీ సంక్రాంతికి థియేటర్లోకి రానుంది.

Also, do SUBSCRIBE to our YouTube channel to get latest Tollywood updates.