Manchu Vishnu: పుస్తకంగా ‘కన్నప్ప’ కథ… మంచు విష్ణు మాస్టర్‌ ప్లాన్‌!

మంచు విష్ణు (Manchu Vishnu) ఎన్నో ఏళ్లుగా కలల ప్రాజెక్టు అని చెబుతూ వచ్చిన ‘భక్త కన్నప్ప’ సినిమా ‘కన్నప్ప’ (Kannappa) పేరుతో ప్రస్తుతం తెరకెక్కుతోంది. ఇండియన్‌ సినిమాలో అగ్ర తారలను సైతం ఈ సినిమాలో భాగం చేస్తూ అతిపెద్ద పాన్‌ ఇండియా సినిమాగా దీనికి మారుస్తున్నారు. ఇక నిర్మాణ విలువల్లోనూ, సినిమాను తెరకెక్కించే విధానంలోనూ ఎక్కడా తగ్గకుండా సినిమాను భారీ స్థాయిలో తెరకెక్కించే ప్రయత్నం చేస్తున్నారు. ఇప్పుడు ఈ సినిమాను మరింతమంది చేర్చేలా ఓ ఆసక్తికరమైన కార్యక్రమానికి సిద్ధమయ్యారు. ‘భక్త కన్నప్ప’ కథను ఓ పుస్తకంగా తీసుకొస్తున్నారట.

మంచు విష్ణు ప్రధాన పాత్రలో తెరకెక్కతున్న సినిమా ‘భక్త కన్నప్ప’. ఈ సినిమా నూతన షెడ్యూల్‌ చిత్రీకరణ ప్రస్తుతం న్యూజిలాండ్‌లో జరుగుతోంది. ఈ క్రమంలో విష్ణు ఇటీవల సోషల్‌ మీడియాలో ఓ వీడియో పోస్ట్‌ చేశారు. ‘కన్నప్ప ఫస్ట్ లుక్‌కి మీరు చూపించిన ఆదరణకు ధన్యావాదాలు. ఇంతకుముందు ఎప్పుడూ కన్నప్ప తరహా పాత్రలు చేయకపోవడంతో కాస్త కంగారుపడ్డాను. భగవంతుని ఆశీస్సులతో ముందుకెళ్తున్నా. కన్నప్ప, శ్రీకాళహస్తి కథ చెప్పేందుకు ఆయనే నాకీ అవకాశం ఇచ్చాడని భావిస్తున్నా’’ అంటూ తన ఆనందం వ్యక్తం చేశారు.

‘కన్నప్ప’ కథ గురించి ఉత్తరాది వారికి పెద్దగా తెలియదు. కన్నడ, తెలుగు వాళ్లే కాదు తమిళం, మలయాళం వాళ్లు కూడా కొన్ని ప్రశ్నలు అడుగుతున్నారు. ఇక ఉత్తరాది నుండి లెక్క లేనన్ని ప్రశ్నలు వస్తున్నాయి. వాళ్లకి కన్నప్ప గురించి తెలియదు. అందుకే కన్నప్ప కథను తెలియజేస్తూ కామిక్ బుక్ విడుదల చేస్తున్నా. మార్చి 19 తన తండ్రి మోహన్‌బాబు (Mohan Babu) పుట్టిన రోజున ఆ బుక్‌లో ఫస్ట్‌ వాల్యూమ్‌ రిలీజ్‌ చేస్తున్నాను అని చెప్పారు.

ఎవరికైనా ఆ పుస్తకం కావాలని అనుకుంటే… ఇన్ స్టాగ్రామ్‌లో మెసేజ్ చేయాలని కోరారు. వారికి ఎటువంటి రుసుము లేకుండా పంపిస్తాను అని చెప్పారు విష్ణు. నా ఆఫీస్ వాళ్లు కొరియర్‌లో పంపిస్తారు. మీ అందరికీ కన్నప్ప గురించి చెప్పడం నా బాధ్యత అని విష్ణు చెప్పాడు. అయితే ఎంతమందికి ఇలా పంపిస్తారు అనేది చెప్పలేదు.

రజాకర్ సినిమా రివ్యూ & రేటింగ్!

లంబసింగి సినిమా రివ్యూ & రేటింగ్!
సేవ్ ది టైగర్స్: సీజన్ 2 వెబ్ సిరీస్ రివ్యూ & రేటింగ్!