డబుల్ ఇస్మార్ట్ (Double Ismart) మూవీ విడుదలకు సరిగ్గా 20 రోజుల సమయం మాత్రమే ఉంది. ఈ సినిమా ష్యూర్ షాట్ హిట్ అవుతుందని ఇండస్ట్రీ వర్గాల్లో వినిపిస్తోంది. లైగర్ ఫ్లాప్ తర్వాత పూరీ జగన్నాథ్ (Puri Jagannadh) డైరెక్షన్ లో తెరకెక్కుతున్న సినిమా కావడంతో ఈ సినిమాపై అంచనాలు అంతకంతకూ పెరుగుతున్నాయి. ఈ సినిమాలోని ఏం జేద్దామంటావ్ మరి సాంగ్ విషయంలో ఒకింత వివాదం నెలకొన్న సంగతి తెలిసిందే. ఈ సాంగ్ వివాదం గురించి పూరీ జగన్నాథ్ సైతం స్పందించకపోయినా మణిశర్మ (Mani Sharma) స్పందించి క్లారిటీ ఇచ్చే ప్రయత్నం చేశారు.
కల్లు కాంపౌండ్ లో ఈ సాంగ్ షూట్ జరిగిందని ఆయన తెలిపారు. కేసీఆర్ గారు గొప్ప వ్యక్తి అని ఆయన మనందరికీ ఫేవరెట్ అని మణిశర్మ తెలిపారు. ఆయనను చాలా మీమ్స్ లో చూస్తుంటాం అని అలా మీమ్స్ లో నుంచి తీసి ఈ డైలాగ్ ను వాడటం జరిగిందని మణిశర్మ అభిప్రాయపడ్డారు. ఆ సాంగ్ అల్టిమేట్ సాంగ్ అని అందులో కేసీఆర్ డైలాగ్ పెడితే బాగుంటుందని భావించి డైలాగ్ పెట్టామే తప్ప అంతకు మించి ఏమీ లేదని మణిశర్మ పేర్కొన్నారు.
కేసీఆర్ ను కించపరచాలని మేము భావించలేదని కేవలం ఎంటర్టైన్మెంట్ కోసమే ఈ సాంగ్ చేశామని మణిశర్మ చెప్పుకొచ్చారు. దయచేసి దీన్ని తప్పుగా తీసుకోవద్దని మణిశర్మ వెల్లడించారు. ఈ సాంగ్ ఐటమ్ సాంగ్ కాదని హీరో హీరోయిన్లు కలిసి చేసే డ్యూయెట్ సాంగ్ అని మణిశర్మ పేర్కొన్నారు. ఆగష్టు నెల 15వ తేదీన ఈ సినిమా విడుదల కానుంది.
రామ్ (Ram) , పూరీ జగన్నాథ్ ఈ సినిమాకు భారీ స్థాయిలో ప్రమోషన్స్ చేస్తున్నారు. కావ్య థాపర్ (Kavya Thapar) ఈ సినిమాలో రామ్ కు జోడీగా నటించారు. ఈ సినిమా సక్సెస్ సాధిస్తే కావ్య థాపర్ కూడా కెరీర్ పరంగా మరింత సక్సెస్ సాధించే అవకాశాలు అయితే ఉంటాయని చెప్పవచ్చు. డబుల్ ఇస్మార్ట్ బాక్సాఫీస్ ను షేక్ చేసే మూవీ కావాలని ఫ్యాన్స్ కోరుకుంటున్నారు.
Home