‘బ్రహ్మోత్సవం’ నుంచి తప్పుకున్న మణిశర్మ..?

శ్రీకాంత్ అడ్డాల దర్శకత్వంలో సూపర్ స్టార్ మహేష్ బాబు నటిస్తున్న తాజా చిత్రం బ్రహ్మోత్సవం. ప్రస్తుతం ఈ చిత్రం పోస్ట్ ప్రొడక్షన్ కార్యక్రమాలు జరుపుకుంటోంది. ఈ చిత్రానికి మిక్కిజెమేయర్ స్వరాలు సమకూర్చగా..ఇటీవలే వాటిని విడుదల చేశారు. ఈ చిత్ర నేపథ్య సంగీతం కోసం మణిశర్మను చిత్ర బృందం ఎంపిక చేసుకోగా.. ఇందుకు ఆయన సమ్మతించారు.

తాజా సమాచారం ప్రకారం ఈ చిత్రం నుంచి మణిశర్మ తప్పుకున్నాడట. కారణాలు తెలియక పోయినప్పటికీ ఆయన స్థానంలో గోపిసుందర్ ను బ్యాక్ గ్రౌండ్ మ్యూజిక్ కోసం ఎంపిక చేశారని అంటున్నారు. గోపీ సుందర్ ఇటీవలే ఊపిరి చిత్రానికి సంగీత దర్శకుడిగా వ్యవహరించారు. పి‌వి‌పి పతాకం పై నిర్మిస్తున్న ఈ చిత్రంలో మహేష్ సరసన సమంత, కాజల్, ప్రణీత లు జంటగా నటిస్తుండగా.. మే 20 న ఈ చిత్రం ప్రేక్షకుల ముందుకు రానుంది.