సినిమా వాళ్ల డ్రీమ్‌ ప్రాజెక్టుల గురించి వినేటప్పుడు… దానికేముంది తీసేయొచ్చు కదా అనుకుంటారు అభిమానులు. కానీ ఎందుకో మరి అలాంటి డ్రీమ్‌ ప్రాజెక్టులు ఓ పట్టాన కుదరవు. ఎన్నో ప్రయత్నాలు జరిగితే కానీ పట్టాలెక్కవు. అలా సీనియర్‌ దర్శకుడు మణిరత్నం కూడా ఓ సినిమా అనుకున్నారు. కొన్ని సంవత్సరాలుగా ఆయన చేయాలనుకుంటున్న సినిమా ‘పొన్నియన్‌ సెల్వన్‌’. చోళరాజుల కాలానికి సంబంధించిన కథ ఇదని మణిరత్నం చాలా రోజులుగా చెప్పేవారు. ఇప్పుడు ఈ సినిమా విషయంలో ఆసక్తికరమైన అప్‌డేట్‌ వచ్చింది. సినిమా సెట్స్‌పై ఉండగానే.. అదిరిపోయే ఓటీటీ ఆఫర్‌ వచ్చిందట.
‘పొన్నియన్‌ సెల్వన్‌’ చిత్రీకరణ ఇటీవల మొదలైంది. ఇందులో అమితాబ్ బచ్చన్, ఐశ్వర్య రాయ్‌, కార్తి, విక్రమ్, జయం రవి, త్రిష, ఐశ్వర్య రాజేష్ లాంటి సూపర్‌ సీనియర్‌, సీనియర్‌, జూనియర్‌ స్టార్లు నటిస్తున్నారు. ప్రస్తుతం ఈ సినిమా చిత్రీకరణ హైదరాబాద్ లో జరుగుతోంది. తెలుగు, తమిళ, హిందీ భాషల్లో ఈ సినిమా తెరకెక్కిస్తున్నారు. ఓటీటీ వర్గాల సమాచారం ప్రకారం అయితే నెట్‌ఫ్లిక్స్‌ ఈ సినిమా విషయంలో మణిరత్నంతో చర్చలు జరుపుతోందట. సినిమా హక్కలు కోసం పెద్ద మొత్తం ఆఫర్‌ చేస్తున్నట్లు తెలుస్తోంది.
‘పొన్నియన్‌ సెల్వన్‌’కు మణిరత్నం నిర్మాతగా కూడా వ్యవహరిస్తున్నారు. ఇలాంటి గొప్ప సినిమాను నెట్ ఫ్లిక్స్ డైరెక్ట్ డిజిటల్‌ స్టైల్‌లో విడుదల చేయాలని అనుకుంటోందట. మరి ఈ డీల్‌కు మణిరత్నం ఓకే చెబుతారా లేదా అని తెలియడం లేదు. ఒకవేళ ఓకే అంటే పెద్ద మొత్తంలో వెచ్చించి కొనుగోలు చేయాలని నెట్‌ఫ్లిక్స్‌ చూస్తోందట.
Most Recommended Video
క్రాక్ సినిమా రివ్యూ & రేటింగ్!
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
అల్లు అర్జున్ నుండి నాగ చైతన్య వరకు.. అందమైన స్టార్ కాపుల్స్.. సతీమణులే స్పెషల్ ఎట్రాక్షన్!
