సూప‌ర్ స్టార్ కృష్ణ కుమార్తె మంజుల న‌టిగా నిరూపించుకున్నారు. అలాగే నిర్మాత‌గానూ విజయాలను అపజయాలను అందుకున్నారు. ఈ సారి ద‌ర్శ‌కురాలిగా ప‌రిచ‌యం కాబోతున్నారు. ఆమె తొలిసారి దర్శకత్వం వహిస్తున్న మనసుకు నచ్చింది మూవీ షూటింగ్ పూర్తికావచ్చింది. సందీప్ కిష‌న్‌, అమైరా ద‌స్త‌ర్‌, త్రిధా చౌద‌రి ప్ర‌ధాన పాత్ర‌ల్లో న‌టిస్తున్న ఈ సినిమా సెట్స్ మీద ఉండగానే మరో సినిమాని ఒకే చేశారు. ఆ సినిమాకు నిర్మాతగా బాధ్యతలు మాత్రమే తీసుకుంటున్నారు. డైరెక్టెర్ గా విక్రమ్ కె కుమార్ ని తీసుకున్నారని ఫిలిం నగర్ వాసులు చెబుతున్నారు.
మనం, 24 సినిమాలతో మంచి పేరు తెచ్చుకున్న విక్రమ్ ప్రస్తుతం అఖిల్ తో హలో మూవీ చేస్తున్నారు. ఈ మూవీ పదిరోజుల్లో రిలీజ్ కానుంది. దీని తర్వాత మంజుల ప్రొడక్షన్ లో మూవీ కి సంబంధించిన సినిమా స్క్రిప్ట్ పనులు మొదలు పెట్టనున్నారు. ఇందులో హీరో కూడా సెలక్ట్ అయిపోయినట్టు సమాచారం. వరుస హిట్స్ తో దూసుకు పోతున్న నాని ని ఇందులో హీరో గా సెలక్ట్ చేసినట్లు సమాచారం. పేపర్స్ మీద సంతకాలు పూర్తి అయిన వెంటనే అధికారికంగా వెల్లడించనున్నారు.
