Manjummel Boys Collections: తెలుగులో కూడా డీసెంట్ హిట్ గా నిలిచిన ‘మంజుమ్మల్ బాయ్స్’

మలయాళంలో రిలీజ్ అయ్యి ఇండస్ట్రీ హిట్ గా నిలిచిన చిత్రం ‘మంజుమ్మల్ బాయ్స్'(Manjummel Boys) . చిదంబరం (Chidambaram S. Poduval)  దర్శకత్వంలో రూపొందిన ఈ చిత్రం ఏప్రిల్ 6న తెలుగులో కూడా రిలీజ్ అయ్యింది. ‘మైత్రీ మూవీ మేకర్స్’, ‘సుకుమార్ రైటింగ్స్’, ‘ప్రైమ్‌షో ఎంటర్‌టైన్‌మెంట్‌’ సంస్థలు తెలుగులో ఈ చిత్రాన్ని రిలీజ్ చేయడం జరిగింది. ‘పరవ ఫిలింస్’ బ్యానర్‌పై బాబు షాహిర్, సౌబిన్ షాహిర్, షాన్ ఆంటోని ఈ చిత్రాన్ని నిర్మించారు. 2006లో కొడైకెనాల్‌లోని గుణకేవ్‌లో చిక్కుకున్న స్నేహితుడిని రక్షించిన మంజుమ్మెల్ అనే గ్రామానికి చెందిన యువకుల నిజ జీవిత అనుభవం ఆధారంగా రూపొందించబడిన ఇంట్రెస్టింగ్ సర్వైవల్ థ్రిల్లర్ మూవీ ఇది.

మొదటి షోతోనే తెలుగులో కూడా ఈ సినిమాకి మంచి రెస్పాన్స్ వచ్చింది. బాక్సాఫీస్ వద్ద కూడా మంచి వసూళ్లు రాబట్టుకుంది. ఒకసారి క్లోజింగ్ కలెక్షన్స్ ని గమనిస్తే :

‘మంజుమ్మల్ బాయ్స్’ తెలుగు రాష్ట్రాల్లో రూ.2 కోట్ల బ్రేక్ ఈవెన్ టార్గెట్ తో బరిలోకి దిగింది. 2 రోజులకే ఈ సినిమా బ్రేక్ ఈవెన్ టార్గెట్ ను రీచ్ అయిన ఈ సినిమా ఫుల్ రన్ ముగిసేసరికి రూ.3.82 కోట్ల షేర్ ను రాబట్టింది. ఫైనల్ గా ఈ సినిమా రూ.1.82 కోట్లు లాభాలను అందించి సూపర్ హిట్ గా నిలిచింది.