‘సామ్రాట్‌ పృథ్వీరాజ్‌’ ప్రేయసిగా త్వరలో వెండితెరపై అలరించనుంది మానుషి చిల్లర్. 2017లో మిస్ వరల్డ్‌గా నిలిచిన మానుషి చిల్లర్.. హీరోయిన్‌ ఎంట్రీ అప్పుడే నిర్ణయమైపోయింది. అయితే ఆ సినిమా ఆలస్యమవ్వడంతో డెబ్యూ ఐదేళ్లకు అవుతోంది. అయితే మానుషి టాలీవుడ్‌ ఎంట్రీకి ఎక్కువ రోజులు పట్టదా? అవుననే అంటున్నాయి టాలీవుడ్‌ వర్గాలు. కారణం రీసెంట్‌గా ఆమె ఓ టాలీవుడ్‌ హీరో గురించి చేసిన కామెంట్లే.
‘సామ్రాట్‌ పృథ్వీరాజ్‌’ ప్రచారంలో ప్రస్తుతం మానుషి బిజీగా ఉంది. ఈ క్రమంలోను మానుషిని సినిమా ఇండస్ట్రీకి చెందిన ఎవరితోనైనా డేట్‌కి వెళ్లాలనుకుంటే ఎవరితో వెళ్తారు? అని అడిగారు. దానికి ఆమె ఏ మాత్రం తడుముకోకుండా రామ్ చరణ్ పేరు చెప్పేసింది. అంతేకాదు చరణ్‌తో డేట్‌కి వెళ్లడం ఇప్పుడు చాలా కష్టమని, ఎందుకంటే రామ్ చరణ్‌కి పెళ్లి అయిపోయింది కదా అని అంది. అయితే తను డేట్‌కి వెళ్లాలనుకుంటే ముందుగా సినిమాకి వెళ్లి ఆ తరువాత అక్కడి నుండి డిన్నర్‌కి వెళ్తానని చెప్పింది మానుషి.
మానుషి పొగడ్తలు అక్కడితో ఆగలేదు. చరణ్ గొప్ప నటుడని, స్క్రీన్‌పై చరణ్‌ను చూడడానికి చాలా ఇష్టపడతానని అని కూడా అంది. అంతేనా…చరణ్‌తో కలసి పని చేయాలని ఉంది అని కూడా చెప్పింది మానుషి. దీంతో మానుషి కామెంట్స్ ఇండస్ట్రీలోను, సోషల్‌ మీడియాలోనూ వైరల్‌గా మారాయి. మానుషికి చరణ్ కోస్టార్‌ ఛాన్స్ ఇస్తే సూపర్‌ ఉంటుందని అనుకుంటున్నారు. ఒకవేళ ఇదే జరిగితే టాలీవుడ్‌లో మరో ఫ్రెష్ కాంబినేషన్ చూడొచ్చు.
ఇక చరణ్ నెక్స్ట్‌ సినిమాల్లో ఈ అవకాశం ఉందా? అని చూస్తే కచ్చితంగా ఉంది అనే సమాధానమే వస్తుంది. శంకర్‌తో ఇప్పుడు చేస్తున్న సినిమా తర్వాత చరణ్ గౌతమ్‌ తిన్ననూరి దర్శకత్వంలో ఓ సినిమా చేయాలి. ఇటీవల అనౌన్స్‌ చేశారు. ఈ సినిమాను పాన్‌ ఇండియా స్థాయిలో రూపొందించనున్నారు. అందులో మానుషిని హీరోయిన్‌గా పెట్టుకునే అవకాశం ఉంది. అయితే ఇది ‘సామ్రాట్‌ పృథ్వీరాజ్‌’ సినిమాలో ఆమె నటన, స్క్రీన్‌ ప్రజెన్స్‌ మీద ఆధారపడి ఉంటుంది. అన్నింటికి మించి ఆ సినిమా ఫలితం మీద ఆధారపడి ఉంటుంది.
Most Recommended Video
విక్రమ్ సినిమా రివ్యూ & రేటింగ్!/a>
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
