బాహుబలి2 సినిమా తర్వాత ప్రభాస్ హీరోగా తెరకెక్కిన రెండు సినిమాలు బాక్సాఫీస్ వద్ద ఫ్లాప్ అయ్యాయి. ప్రభాస్ భారీ బ్లాక్ బస్టర్ హిట్ ను సాధించాలని ఆయన అభిమానులు కోరుకుంటున్నారు. ప్రభాస్ హీరోగా మారుతి డైరెక్షన్ లో ఒక సినిమా తెరకెక్కనున్న సంగతి తెలిసిందే. ఈ సినిమా షూటింగ్ కు సంబంధించి క్లారిటీ రావాల్సి ఉంది. ఈ సినిమాతో కచ్చితంగా సక్సెస్ సాధించాలని మారుతి ఎన్నో జాగ్రత్తలు తీసుకుంటున్నారు. ప్రభాస్ తో తెరకెక్కించే సినిమాతో సక్సెస్ సాధిస్తే మారుతి కూడా స్టార్ డైరెక్టర్ల జాబితాలో చేసే ఛాన్స్ అయితే ఉంటుందని చెప్పవచ్చు.
మంచిరోజులు వచ్చాయి సినిమా ఫలితం షాకిచ్చిన నేపథ్యంలో మారుతి తర్వాత సినిమాల విషయంలో ఎన్నో జాగ్రత్తలు తీసుకుంటున్నారు. సాధారణంగా మారుతి తన సినిమాలకు సంబంధించిన కథ, కథనం, డైలాగ్స్ పనులను తనే పూర్తి చేయడం జరుగుతుంది. అయితే ప్రభాస్ పాన్ ఇండియా స్టార్ కావడంతో మారుతి మొదటిసారి రైటర్ల టీమ్ ను నియమించుకుని ఈ సినిమా కోసం పని చేస్తున్నారు. ప్రభాస్ ఇచ్చిన అవకాశాన్ని సద్వినియోగం చేసుకోకపోతే మారుతి కెరీర్ పైనే ఆ ప్రభావం పడుతుంది.
పక్కా కమర్షియల్ రిలీజ్ కు ముందే మారుతి ప్రభాస్ కాంబో మూవీ షూటింగ్ మొదలు కానుందని తెలుస్తోంది. పరిమిత బడ్జెట్ తోనే ఈ సినిమా తెరకెక్కనుందని సమాచారం. వాసువర్మతో పాటు మరో ముగ్గురు రైటర్లు మారుతి ప్రభాస్ కాంబో మూవీ కోసం పని చేస్తున్నారు. ఈ సినిమాకు సంబంధించి మరిన్ని వివరాలు తెలియాల్సి ఉంది. త్వరలో ఈ ప్రాజెక్ట్ కు సంబంధించి అధికారిక ప్రకటన వచ్చే ఛాన్స్ ఉంది. ప్రభాస్ ఫ్యాన్స్ మాత్రం ఈ సినిమా విషయంలో సంతృప్తితో లేరని తెలుస్తోంది.
ఈ సినిమాతో ప్రభాస్ సక్సెస్ ట్రాక్ లోకి వస్తారేమో చూడాల్సి ఉంది. ప్రభాస్ భవిష్యత్తు ప్రాజెక్టులు కూడా భారీ బడ్జెట్ తో తెరకెక్కుతున్నాయి. ప్రభాస్ మారుతి కాంబో మూవీ పాన్ ఇండియా మూవీగా తెరకెక్కుతుందో లేదో క్లారిటీ రావాల్సి ఉంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home