స్టార్ డైరెక్టర్ బోయపాటి శ్రీను భద్ర సినిమాతో దర్శకుడిగా కెరీర్ ను మొదలుపెట్టిన సంగతి తెలిసిందే. తొలి సినిమాతోనే బోయపాటి శ్రీను బ్లాక్ బస్టర్ హిట్ ను ఖాతాలో వేసుకున్నారు. ఈ సినిమాలో రవితేజ హీరోగా నటించగా మీరా జాస్మిన్ హీరోయిన్ గా నటించారు. ఈ సినిమా మీరా జాస్మిన్ కెరీర్ కు కూడా ప్లస్ అయిన సంగతి తెలిసిందే. గత కొన్నేళ్ల నుంచి ఇండస్ట్రీకి దూరంగా ఉన్న మీరా జాస్మిన్ మళ్లీ సినిమా ఆఫర్లతో బిజీ కావాలని ప్రయత్నం చేస్తున్నారు.
బాలయ్య సినిమాలో మీరా జాస్మిన్ కు ఛాన్స్ దక్కిందని ఇప్పటికే ప్రచారం జరుగుతోంది. అయితే రామ్ సినిమాలో కూడా ఈ బ్యూటీకి ఛాన్స్ దక్కినట్టు ప్రచారం జరుగుతోంది. బోయపాటి శ్రీను రామ్ హీరోగా తెరకెక్కే సినిమాలో మీరా జాస్మిన్ కు ఛాన్స్ ఇచ్చారని ఇండస్ట్రీ వర్గాల్లో వినిపిస్తోంది. త్వరలో ఈ ప్రాజెక్ట్ కు సంబంధించి క్లారిటీ వచ్చే అవకాశం ఉంది. మీరా జాస్మిన్ సోషల్ మీడియాలో గ్లామరస్ ఫోటోలను తరచూ చేస్తున్నారు.
ఛాన్స్ వస్తే గ్లామర్ రోల్స్ లో కూడా నటించడానికి సిద్ధమేనని మీరా జాస్మిన్ పరోక్షంగా చెబుతున్నారు. అఖండ సక్సెస్ తో జోరుమీదున్న బోయపాటి శ్రీను టాలీవుడ్ స్టార్ హీరోలు బిజీగా ఉండటంతో రామ్ పై దృష్టి పెట్టారు. తెలుగు సినిమాలతో మీరా జాస్మిన్ మళ్లీ బిజీ అవుతారేమో చూడాల్సి ఉంది. రామ్ బోయపాటి సినిమాలో మీరా జాస్మిన్ స్పెషల్ రోల్ చేసే ఛాన్స్ అయితే ఉందని తెలుస్తోంది. సెకండ్ ఇన్నింగ్స్ లో మీరా జాస్మిన్ ఏ స్థాయిలో సక్సెస్ అవుతారో చూడాల్సి ఉంది.
అయితే మీరా జాస్మిన్ తెలుగు సినిమాలలో నటిస్తున్నారని వార్తలు వైరల్ అవుతున్నా ఈ ప్రాజెక్ట్ లకు సంబంధించి అధికారిక ప్రకటన వెలువడాల్సి ఉంది. సెకండ్ ఇన్నింగ్స్ లో ఇప్పటికే పలువురు హీరోయిన్లు వరుసగా అవకాశాలను అందిపుచ్చుకుంటున్నారు. మీరా జాస్మిన్ కూడా ఈ జాబితాలో చేరతారేమో చూడాలి.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
