ఖైదీ నంబర్ 150 ఆడియో విషయంలో ఫ్యాన్స్ ఆరాటం!

మెగాస్టార్ చిరంజీవి తొమ్మిదేళ్ల తర్వాత సినిమాల్లో హీరోగా రీ ఎంట్రీ ఇస్తుండడంతో “బాస్ ఈజ్ బ్యాక్” అంటూ  మెగా ఫ్యాన్స్ సంబరాలు చేసుకున్నారు. మాస్ డైరక్టర్ వివి వినాయక్ దర్శకత్వంలో తెరకెక్కిన ఖైదీ నంబర్ 150 ఫస్ట్ లుక్ చూసి ఆనందపడ్డారు. టీజర్ చూసి తిరుగులేదన్నారు. “అమ్మడు లెట్స్ డు కుమ్ముడు” పాట వింటూ చిరు స్టెప్పులను గుర్తుచేసుకున్నారు. ఇప్పుడు మాత్రం అయోమయంలో ఉన్నారు. ఎందుకంటే.. . ఈ నెల 25 న విజయవాడలోని ఇందిరా గాంధీ మునిసిపల్ స్టేడియంలో ఖైదీ నంబర్ 150 ఆడియో రిలీజ్ చేస్తామని నిర్మాత రామ్ చరణ్ తేజ్ ముందు ప్రకటించారు. కొన్ని కారణాల వల్ల ఆ వేడుక ఆగిపోయింది. ఫంక్షన్ ఆగిపోయినా అదే రోజు పాటలన్నీ విడుదల చేస్తామని చెప్పారు.

ఆ రోజు “సుందరి” అనే ఒక్క పాటను మాత్రమే యూట్యూబ్ లో రిలీజ్ చేసి  ఊరుకున్నారు. మిగతా పాటలు ఎప్పుడు రిలీజ్ చేస్తారో అనే విషయం తెలియక కన్ఫ్యూజ్ అవుతున్నారు. తాజాగా రేపు (మంగళవారం) మరో పాటను రిలీజ్ రిలీజ్ చేయనున్నట్లు చిత్ర బృందం ప్రకటించింది. ఇలా రోజుకో పాట వస్తుండడంతో ఎప్పుడెప్పుడు పూర్తి పాటలు వినాలని ఆశపడే వారు ఇబ్బంది పడుతున్నారు. టాలీవుడ్ యువరాణి కాజల్ అగర్వాల్ కథానాయికగా నటిస్తున్న ఈ మూవీ  ప్రీ రిలీజ్ ఫంక్షన్ ని జనవరి 4న విజయవాడలోనిర్వహించనున్నారు.

Also, do SUBSCRIBE to our YouTube channel to get latest Tollywood updates.