మెగాస్టార్ చిరంజీవి (Chiranjeevi) మల్లిడి వశిష్ట(Mallidi Vasishta) కాంబినేషన్ లో తెరకెక్కుతున్న విశ్వంభర (Vishwambhara) మూవీ 2025 సంవత్సరం సంక్రాంతి కానుకగా థియేటర్లలో విడుదల కానుంది. 2025 సంక్రాంతికి పెద్దగా పోటీ లేకపోవడం చిరంజీవికి ప్లస్ అవుతోంది. మొదట ది రాజాసాబ్ (The Rajasaab) సినిమా అదే సమయానికి విడుదలవుతుందని కామెంట్లు వినిపించినా వేర్వేరు కారణాల వల్ల ఆ సినిమా సమ్మర్ కు షెడ్యూల్ అయిన సంగతి తెలిసిందే. అయితే విశ్వంభరలో చిరంజీవికి చెల్లి పాత్రలో హీరోయిన్ రమ్య పసుపులేటి (Ramya Pasupileti) నటిస్తున్నారట.
ఆమె ఒక ఇంటర్వ్యూలో మాట్లాడుతూ ఈ విషయాన్ని వెల్లడించారు. విశ్వంభర సినిమాలో చిరంజీవి గారికి చెల్లి పాత్రలో నేను నటిస్తున్నానని ఆమె తెలిపారు. చిరంజీవి పక్కన నటించే అవకాశం అని ఆ సినిమాకు నేను ఒప్పుకున్నానని రమ్య పసుపులేటి పేర్కొన్నారు. చిరంజీవితో కలిసి స్క్రీన్ షేర్ చేసుకోవడం నిజంగా గర్వకారణం అని ఆమె కామెంట్లు చేశారు. నా లైఫ్ లో ఇలాంటి ఛాన్స్ మళ్లీ వస్తుందో రాదో కూడా తెలియదని అందుకే వచ్చిన అవకాశాన్ని సద్వినియోగం చేసుకున్నానని రమ్య పసుపులేటి పేర్కొన్నారు.
గతంలోనే సహాయక పాత్రల్లో నటించే ఛాన్స్ వచ్చినా హీరోయిన్ గా మాత్రమే కొనసాగాలని వాటిని రిజెక్ట్ చేశానని ఆమె చెప్పుకొచ్చారు. అయితే అక్కడున్నది చిరంజీవి సార్ కావడంతో నేను నో చెప్పలేకపోయానని రమ్య పేర్కొన్నారు. విశ్వంభర సినిమాలో నటించడం వల్ల నా కెరీర్ ప్రాబ్లమ్ లో పడుతుందని నేను అనుకోలేదని ఆమె చెప్పుకొచ్చారు. ప్రస్తుతం స్టార్ హీరోయిన్లు సైతం చిన్నచిన్న పాత్రల్లో నటిస్తున్న సందర్భాలు ఉన్నాయని రమ్య పసుపులేటి తెలిపారు.
చిరంజీవి సార్ సినిమా కాబట్టే విశ్వంభర సినిమాలో నటిస్తున్నానని ఆమె పేర్కొన్నారు. మారుతినగర్ సుబ్రమణ్యం (Maruthi Nagar Subramanyam) ప్రమోషన్స్ లో భాగంగా ఆమె ఈ విషయాలను వెల్లడించారు. విశ్వంభర సినిమా ఒకింత భారీ బడ్జెట్ తో తెరకెక్కుతోందని తెలుస్తోంది. రమ్య పసుపులేటి చేసిన కామెంట్లతో విశ్వంభరలో కూడా సిస్టర్ సెంటిమెంట్ సీన్స్ ఉంటాయేమో అని కామెంట్లు వినిపిస్తున్నాయి.
Home