Mehreen Pirzada: మెహరీన్‌లో ఈ మార్పు గమనించారా? ఎందుకిలా చేసిందంటే?

ఒక్కోసారి హీరోయిన్లను చూస్తుంటే లావు తగ్గడం, బరువు పెరగడం అంత ఈజీనా అనిపిస్తుంది. చూస్తుండగానే ఫిట్‌ అయిపోతుంటారు, అవసరమైతే మళ్లీ ఫ్యాట్‌ అవుతుంటారు. ఇంకొందరు అయితే ఎప్పుడు చూసినా ఒకేలా ఉంటారు. ఇలా ఈజీగా తగ్గి, మళ్లీ కాస్త పెరిగిన హీరోయిన్‌ మెహ్రీన్‌ కౌర్‌ పిర్జాదా. అవును మెహ్రీన్‌ గురించే ఇదంతా. ‘స్పార్క్‌ లైఫ్‌’ సినిమాతో ప్రేక్షకుల ముందుకొచ్చిన మెహ్రీన్‌ గతంతో పోలిస్తే కాస్త లావెక్కింది. ఏంటి సంగతి అని అడిగితే ఆసక్తికర విషయం చెప్పుకొచ్చింది.

మెహ్రీన్‌ చిన్నప్పటి నుండి బొద్దుగానే ఉండేదట. దానికి కారణం తన శరీర తతత్వమేనట. కరోనా సమయంలో నాజూగ్గా మారితేనే బాగుంటుందని కొందరు చెప్పడంతో, కసరత్తులు చేసి సన్నబడిందట. అయితే అలా తనను చూశాక… మరికొంతమంది ఇదివరకే బాగున్నారు, ఇప్పుడు మరీ చాలా సన్నగా ఉన్నావు అన్నారట. దీంతో మళ్లీ కొంచెం బరువు పెరిగాను అంటూ తన ఫిట్ వెనుక కథ గురించి చెప్పింది మెహ్రీన్‌.

ఇక ఇటీవల దర్శకుడు మారుతిని కలిశా. ‘మంచి రోజులొచ్చాయి’ సమయంలో సన్నగా కనిపించారు, ఇప్పుడు బాగున్నారు అని అన్నారట. దీంతో ఆ లుక్‌తోనే ఇకపైన కనిపించాలని నిర్ణయించుకుందట. కెరీర్‌ సంగతి చూస్తే… మెహ్రీన్‌ ప్రస్తుతం తమిళంలో ఓ సినిమా, వసంత్‌ రవి సరసన మరో సినిమాలో నటిస్తోంది. అయితే తెలుగులో ఇంకా కొత్త సినిమాలేవీ ఒప్పుకోలేదట. హిందీలో చేసిన ‘సుల్తాన్‌ ఆఫ్‌ ఢిల్లీ’ అనే సిరీస్‌ త్వరలో స్ట్రీమ్‌ అవుతుందట.

ఎనిమిదేళ్ల సినీ ప్రయాణంలో (Mehreen Pirzada) మెహ్రీన్‌ ఒడుదొడుకులు ఎదుర్కొందట. నటిగా సవాళ్లు ఎదుర్కోవడం తనకు కొత్త కాదని చెప్పింది. అప్పటిదాకా కెనడాలో పెరిగిన మెహ్రీన్‌, భాష, వేషం మార్చి ‘కృష్ణగాడి వీర ప్రేమగాథ’లో అదరగొట్టింది. ఆ సినిమా తర్వాత వరుస ఛాన్స్‌లు వచ్చాయి. ఇటు స్టార్‌ హీరోలు, అటు కుర్ర హీరోలు కూడా మెతో సినిమాలు చేయాలనుకున్నారు. అయితే అనుకోని పరిస్థితుల వల్ల తెలుగు సినిమాలకు కాస్త దూరమైంది అని చెప్పాలి. త్వరలో ఫుల్‌ జోష్‌లో వస్తుందని ఆశిద్దాం.

మంగళవారం సినిమా రివ్యూ & రేటింగ్!

స్పార్క్ సినిమా రివ్యూ & రేటింగ్!
సప్త సాగరాలు దాటి సైడ్ బి సినిమా రివ్యూ & రేటింగ్!