Prem Rakshith: ప్రేమ్ రక్షిత్ కు గ్లోబల్ లెవెల్లో గుర్తింపు.. ఏకంగా మైఖేల్ జాక్సన్…!

March 13, 2026 / 12:34 PM ISTByPhani Kumar

Join Us

టాలీవుడ్ స్టార్ కొరియోగ్రాఫర్ అయినటువంటి ప్రేమ్ రక్షిత్..కు(Prem Rakshith) అరుదైన గౌరవం లభించింది. విషయంలోకి వెళితే.. ప్రపంచ ప్రఖ్యాత పాప్ స్టార్, కింగ్ ఆఫ్ పాప్ ‘మైఖేల్ జాక్సన్’కు ఐకానిక్ డాన్స్ స్టెప్స్ కంపోజ్ చేసిన లెజెండరీ కొరియోగ్రాఫర్ ‘విన్సెంట్ ప్యాటర్సన్’ ప్రేమ్ రక్షిత్ పై ప్రశంసల వర్షం కురిపించడం విశేషం.

Prem Rakshith

అమెరికన్ డైరెక్టర్, కొరియోగ్రాఫర్ అయినటువంటి విన్సెంట్.. మైఖేల్ జాక్సన్, మడోన్నా వంటి సూపర్ స్టార్లతో కలిసి పనిచేశారు. బహుశా ఈ విషయం ఎక్కువ మందికి తెలిసుండకపోవచ్చు.

prem rakshit

అలాంటి ప్రముఖ గొప్ప వ్యక్త…. ఇండియన్ కొరియోగ్రాఫర్, టాలీవుడ్ కి చెందిన స్టార్ కొరియోగ్రాఫర్ అయినటువంటి ప్రేమ్ రక్షిత్ ను ప్రశంసించడం ప్రపంచవ్యాప్తంగా హాట్ టాపిక్ అయ్యింది.ఇటీవల ప్రేమ్ రక్షిత్ తన ఇన్‌స్టాగ్రామ్ ఖాతాలో ఒక వీడియోను షేర్ చేశారు. అది పెద్ద ఎత్తున విరల్ అయ్యింది. అందులో ప్రేమ్ రక్షిత్ టాలెంట్ చూసి విన్సెంట్ పాటర్సన్ ఫిదా అయిపోయారు. తర్వాత ఆయన… “హలో ప్రేమ్.. నేను విన్సెంట్ ప్యాటర్సన్.

నేను అమెరికన్ డైరెక్టర్, కొరియోగ్రాఫర్. చాలా ఏళ్లు మైఖేల్ జాక్సన్‌తో కలిసి పనిచేశాను. నేను మిమ్మల్ని ప్రత్యేకంగా అభినందించాలని భావిస్తున్నాను.మీ కొరియోగ్రఫీ అద్భుతంగా ఉంటుంది. మీరు అకాడమీ మోషన్ పిక్చర్ ఆర్ట్స్ అండ్ సైన్సెస్ సభ్యుడిగా ఉన్నందుకు నాకు ఎంతో ఆనందంగా ఉంది. ఇండియాలో మీలా చాలా మంది యంగ్ అండ్ టాలెంటెడ్ కొరియోగ్రాఫర్లు ఉన్నారు అనిపిస్తుంది. ఏదో ఒక రోజు మిమ్మల్ని తప్పకుండా కలుస్తా’ అంటూ విన్సెంట్ ఆ వీడియోలో చెప్పుకొచ్చారు.

దానికి ప్రేమ్ రక్షిత్ స్పందిస్తూ… “నేను చిన్నప్పటి నుండీ స్మూత్ క్రిమినల్ పాటకు పెద్ద అభిమానిని. మైఖేల్ జాక్సన్‌తో కలిసి పనిచేసిన ఒక లెజెండ్ నుంచి అభినందనలు అందుకోవడం ఒక కొరియోగ్రాఫర్‌గా నాకు ఓ స్పెషల్ మూమెంట్. ‘థాంక్యూ సో మచ్ విన్సెంట్ సర్” అంటూ పేర్కొన్నారు. ‘ఆర్ఆర్ఆర్’ సినిమాలోని ‘నాటు నాటు’ పాటకు గాను రక్షిత్ ఆస్కార్ అవార్డు అందుకున్న సంగతి తెలిసిందే. దీంతో ఆయన ఇంటర్నేషనల్ లెవెల్లో గుర్తింపు పొందారు.

చెన్నైలో పుట్టిపెరిగిన పెరిగిన ప్రేమ్ రక్షిత్.. ‘ఛత్రపతి’తో తన సినీ ప్రయాణం మొదలుపెట్టి.. ‘బాహుబలి’ వంటి అనేక పెద్ద చిత్రాలకు పనిచేశారు. తెలుగు, తమిళంలో కలుపుకుని మొత్తంగా ఇప్పటివరకు 200కి పైగా సినిమాల్లో నటించారు. ‘ఛత్రపతి’ ‘యమదొంగ’ ‘బిల్లా’ ‘బాహుబలి’ ‘ఆర్ఆర్ఆర్’ ‘అపరిచితుడు’ ‘సర్కార్’ వంటి ఎన్నో సూపర్ హిట్ సినిమాలకి పనిచేశారు ప్రేమ్ రక్షిత్.