దుర్వాస మ‌హ‌ర్షిగా మోహన్ బాబు!

ఆదిప‌ర్వంలోని ఆహ్లాద‌క‌ర‌మైన ప్రేమ‌క‌థ ఆధారంగా ప్రముఖ దర్శకుడు గుణశేఖర్ ‘శాకుంతలం’ అనే సినిమాను తెరకెక్కిస్తోన్న సంగతి తెలిసిందే. ఈ సినిమాలో సమంత టైటిల్ రోల్ పోషిస్తుండగా.. మలయాళ నటుడు దేవ్ మోహన్ దుష్యంతుడుగా కనిపించనున్నాడు. సోమవారం నాడు ఈ సినిమా లాంఛనంగా మొదలైంది. ఈ సినిమాలో శకుంతల పాత్ర ఎంత కీలకమో.. దుర్వాస మహర్షి పాత్ర కూడా అంతే ముఖ్యమైంది. దీనికోసం సీనియర్ నటుడిని తీసుకోవాలని భావించిన చిత్రబృందం..

మోహన్ బాబుని రంగంలోకి దించాలని చూస్తుంది. ఇటీవల విడుదలైన ‘ఆకాశం నీ హద్దురా’ సినిమాలో మోహన్ బాబు ఓ పాత్రలో కనిపించారు. ప్రస్తుతం మోహన్ బాబు ప్రధాన పాత్రలో ‘సన్నాఫ్ ఇండియా’ అనే సినిమా తెరకెక్కుతోంది. వీటితో పాటు ‘శాకుంతలం’ సినిమాలో దుర్వాస మహర్షి పాత్రలో మోహన్ బాబు కనిపించనున్నారని ప్రచారం జరుగుతోంది. దుర్వాస మహర్షికి కోపం చాలా ఎక్కువ. క్షణాల్లో శపించేస్తాడు. ఆ కోపం చల్లారిన తరువాత శాపానికి విరుగుడు చెబుతాడు.

శకుంతలని శపించి ఆమె జీవితాన్ని మలుపు తిప్పింది దుర్వాస మహర్షే. తెరపై ఈ పాత్ర కనిపించేది కాసేపే అయినప్పటికీ.. ఇంపాక్ట్ ఉండాలనే కారణంతో మోహన్ బాబుని ఎన్నుకున్నట్లు తెలుస్తోంది. మిగిలిన పాత్రల్లో కూడా పేరున్న నటీనటులు ఎంపిక చేసుకోవాలనేది గుణశేఖర్ ఆలోచన.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!