ఎంతటి స్టార్ హీరో సినిమా అయినా.. క్యారెక్టర్‌ ఆర్టిస్ట్‌లు, విలన్‌లు బలంగా లేకపోతే సినిమా తేలిపోతుంది. దీంతో ఆ పాత్రల కోసం ఈ మధ్య కాలంలో మన సౌత్‌ దర్శకులు స్టార్ నటులవైపే చూస్తున్నారు. ఈ క్రమంలో సౌత్‌లో రెండు పెద్ద సినిమాల్లో ఇద్దరు అగ్ర నటులను తీసుకోవడానికి చర్చలు జరుగుతున్నాయట. అందులో ఒకటి శంకర్‌ – రామ్‌చరణ్‌ సినిమా కాగా, రెండోది విజయ్‌ – లోకేశ్‌ కనగరాజ్‌ సినిమా అట. ఇందులో ఏది నిజమవుతుందో తెలియదు కానీ.. ఏది ఓకే అయినా అదిరిపోయినట్లే.
ముందుగా శంకర్‌ – రామ్‌చరణ్‌ సినిమా సంగతి చూద్దాం. ఈ సినిమాలో కాస్టింగ్‌ రోజు రోజుకు పెద్దగా మారుతోంది. మొన్నీమధ్య సినిమాలోకి ప్రముఖ దర్శకుడు, నటుడు అయిన సూర్యను తీసుకున్నారు. ఇప్పుడు మరో పాత్ర కోసం లాలెటన్‌ మోహన్‌లాల్‌ను సంప్రదించారని టాక్‌. ఆ మధ్య కూడా ఈ వార్త వచ్చినా ఆగిపోయింది. ఇప్పుడు మోహన్‌లాల్‌ నుండి సూత్రప్రాయంగా అంగీకారం వచ్చింది అని అంటున్నారు. ఆ పాత్ర సీఎం అవ్వొచ్చు అని కూడా తెలుస్తోంది.
ఇక ఇలాంటి వార్తే వస్తున్న మరో సినిమా లోకేశ్‌ కనగరాజ్‌ – విజయ్‌ సినిమా. త్వరలో ప్రారంభం కానున్న ఈ సినిమాలో కీలక పాత్ర కోసం ప్రముఖ బాలీవుడ్ నటుడు సంజయ్‌ దత్‌ను సంప్రదించారని టాక్‌ నడుస్తోంది. పూర్తిస్థాయి గ్యాంగ్‌ స్టర్‌ సినిమాగా తెరకెక్కునున్న ఈ సినిమాలో సంజయ్‌ మరో ఎండ్‌లో గ్యాంగ్‌స్టర్‌ లీడర్‌గా కనిపిస్తాడని టాక్‌. ఇటీవల సంజయ్‌ దత్‌ ‘షంషేరా’, ‘కేజీయఫ్‌ 2’ సినిమాల్లో కీలక పాత్రల్లో కనిపించి, మెప్పించిన విషయం తెలిసిందే.
అంతేకాదు విజయ్‌ సినిమా కోసం సంజూకి రూ. 10 కోట్లు ఇస్తున్నారని టాక్‌ నడుస్తోంది. మరోవైపు మోహన్‌లాల్‌ పారితోషికం సంగతి బయటకు రాలేదు కానీ, ఈ సినిమా బడ్జెట్‌ దృష్ట్యా ఆయనకు కూడా బలంగానే పారితోషికం ముడుతుంది అని చెబుతున్నారు. మరి వీటిలో ఏ గాసిప్‌ కరెక్ట్‌ అవుతోంది. ఎవరి కాంబినేషన్‌ను తెర మీద చూస్తాం అనేది కాలమే నిర్ణయిస్తుంది.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
Home