Mohanlal: శంకర్ సినిమా వద్దనుకున్న స్టార్ హీరో.. కారణమేంటంటే?

April 8, 2022 / 07:53 PM ISTByFilmy Focus

Join Us

Mohanlal: శంకర్ సినిమా వద్దనుకున్న స్టార్ హీరో.. కారణమేంటంటే?

మాలీవుడ్ మెగాస్టార్ మోహన్ లాల్ తో సినిమాలు చేయాలని చాలా మంది దర్శకులు అనుకుంటారు. కానీ ఆ అవకాశం కొందరికే వస్తుంటుంది. దర్శకుడు శంకర్ కి కూడా మోహన్ లాల్ తో సినిమా చేయాలని ఉంది. తమిళంలో మోహన్ లాల్ చేసిన ‘ఇద్దరు’ సినిమా నుంచి అతడికి అభిమానిగా మారారు శంకర్. ఈ విషయాన్ని చాలా సందర్భాల్లో చెప్పారు. మోహన్ లాల్ నటన అంటే తనకు చాలా ఇష్టమని చెప్పారు.- ఎప్పటికైనా ఆయనతో ఓ పాత్ర చేయించాలని అనుకున్నారు.

ప్రస్తుతం రామ్ చరణ్ తో ఓ భారీ సినిమా చేస్తున్నారు శంకర్. ఇందులో కీలకపాత్ర ఒకటి ఉంది. ఆ పాత్ర కోసం మోహన్ లాల్ ని సంప్రదించారు. అయితే శంకర్ ఊహించని రెస్పాన్స్ వచ్చింది. ఆ రోల్ లో విలన్ షేడ్స్ ఉన్నాయని.. ప్రస్తుతం విలన్ రోల్స్ చేయడం లేదని సున్నితంగా తిరస్కరించాడట మోహన్ లాల్. ఆయన నుంచి అలాంటి రెస్పాన్స్ వస్తుందని ఊహించలేదు శంకర్. మోహన్ లాల్ నటనకు ఆస్కారం ఉన్న పాత్ర చేస్తారని భావించారు.

నిజానికి మోహన్ లాల్ కి తెలుగులో కూడా హీరో ఇమేజే ఉంది. ‘జనతా గ్యారేజ్’, ‘మనమంతా’ వంటి సినిమాలతో తెలుగు ప్రేక్షకులకు దగ్గరయ్యారు. ఆయన నటించిన మలయాళ సినిమాలను డబ్ చేసి రిలీజ్ చేస్తుంటారు. ఇప్పుడు విల పాత్రలో నటించడానికి ఆయన రెడీగా లేరేమో. అందుకే శంకర్ సినిమాని కూడా రిజెక్ట్ చేశారు. ఇప్పటికే RC15 సినిమా కొంతవరకు షూటింగ్ జరుపుకుంది. పూణే, హైదరాబాద్, రాజమండ్రి లాంటి ప్రాంతాల్లో మేజర్ షెడ్యూల్స్ ను నిర్వహించారు.

ఈ సినిమాలో రామ్ చరణ్ రెండు గెటప్స్ లో కనిపిస్తారట. కియారా అద్వానీ హీరోయిన్ గా నటిస్తోన్న ఈ సినిమాకి తమన్ సంగీతం అందిస్తున్నారు. సునీల్, అంజలి, శ్రీకాంత్ లాంటి నటులు కీలకపాత్రలు పోషిస్తున్నారు.