Mokshagna, Jr NTR: రూట్ మార్చిన నందమూరి మోక్షజ్ఞ.. ఫస్ట్ మూవీ అలా ఉండబోతుందా?

నందమూరి మోక్షజ్ఞ లేటెస్ట్ ఫోటోలు ఈ మధ్య కాలంలో సోషల్ మీడియాలో తెగ వైరల్ అవుతున్నాయి. స్లిమ్ అయిన మోక్షజ్ఞ లుక్స్ అభిమానులను సైతం ఎంతగానో ఆకట్టుకుంటున్నాయి. ఆదిత్య 999 మ్యాక్స్ సినిమాతో మోక్షజ్ఞ టాలీవుడ్ ఇండస్ట్రీకి పరిచయం అవుతారని వార్తలు వినిపించినా తెలుస్తున్న సమాచారం ప్రకారం లవ్ స్టోరీతో మోక్షజ్ఞ టాలీవుడ్ ఇండస్ట్రీకి పరిచయం కానున్నారు. అనిల్ రావిపూడి ఈ సినిమాకు దర్శకత్వం వహించే అవకాశాలు ఎక్కువగా ఉండగా ఆ ప్రచారంలో నిజానిజాలు తెలియాల్సి ఉంది.

మోక్షజ్ఞ అనిల్ రావిపూడి కాంబో క్రేజీ కాంబో అవుతుందని ఫ్యాన్స్ ఫీలవుతున్నారు. అనిల్ రావిపూడి ఇప్పటివరకు దర్శకత్వం వహించిన సినిమాలన్నీ బాక్సాఫీస్ వద్ద బ్లాక్ బస్టర్ హిట్లుగా నిలిచిన సంగతి తెలిసిందే. అందువల్ల మోక్షజ్ఞకు అనిల్ రావిపూడి భారీ హిట్ అందిస్తారని ఫ్యాన్స్ ఫీలవుతున్నారు. యంగ్ టైగర్ జూనియర్ ఎన్టీఆర్ కూడా కెరీర్ తొలినాళ్లలో లవ్ స్టోరీలకు ప్రాధాన్యత ఇచ్చిన సంగతి తెలిసిందే.

మోక్షజ్ఞ కూడా ఈ విషయంలో ఎన్టీఆర్ ను ఫాలో అవుతూ అభిమానులకు మరింత దగ్గరయ్యే దిశగా అడుగులు వేస్తున్నారు. మోక్షజ్ఞ ఫస్ట్ మూవీ సొంత బ్యానర్ లో తెరకెక్కుతుందో లేక బయట బ్యానర్లలో తెరకెక్కుతుందో తెలియాల్సి ఉంది. ప్రస్తుతం తెలుగు సినిమాల బడ్జెట్లు పెరుగుతున్నాయి. కథల విషయంలో మరీ రిస్క్ తీసుకోవడం కరెక్ట్ కాదని ఫ్యాన్స్ ఫీలవుతున్నారు. జూనియర్ ఎన్టీఆర్ మోక్షజ్ఞ కాంబినేషన్ ను ప్లాన్ చేస్తే బాగుంటుందని కామెంట్లు వినిపిస్తున్నాయి.

ఈ కాంబో ఎంతవరకు సాధ్యమవుతుందో చూడాల్సి ఉంది. మోక్షజ్ఞ (Mokshagna) ఫస్ట్ మూవీకి సంబంధించిన అప్ డేట్స్ కోసం ఫ్యాన్స్ ఆసక్తిగా ఎదురుచూస్తున్నారు. మోక్షజ్ఞ పాన్ ఇండియా క్రేజీ ప్రాజెక్ట్ లపై దృష్టి పెట్టాలని ఫ్యాన్స్ భావిస్తున్నారు. బాలయ్య క్లారిటీ ఇచ్చే వరకు మోక్షజ్ఞ ఫస్ట్ మూవీ విషయంలో సస్పెన్స్ కొనసాగనుందని తెలుస్తోంది.

ఈ వీకెండ్ కి ఓటీటీలో సందడి చేయబోతున్న 18 సినిమాలు/ సిరీస్..ల లిస్ట్.!

యూట్యూబ్లో వందల కొద్దీ మిలియన్ల వ్యూస్ నమోదు చేసిన పాటల లిస్ట్
ఆ విషయంలో నేను బాధ పడలేదు.. ఉపాసన కామెంట్స్ వైరల్!