డైరక్టర్ త్రివిక్రమ్ శ్రీనివాస్ తో పవర్ స్టార్ పవన్ కళ్యాణ్ చేస్తున్న మూడవ సినిమా షూటింగ్ వేగంగా జరుగుతోంది. హీరోయిన్లుగా అను ఇమ్మానియేల్, కీర్తి సురేష్ లు నటిస్తున్న ఈ సినిమాని దసరాకి రిలీజ్ చేయాలనీ నిర్మాత రాధాకృష్ణ మొదట్లో అనుకున్నారు. తాజా సమాచారం ప్రకారం దసరాకి పవన్ సినిమా విడుదల కావడం లేదని తెలిసింది. పవన్ దసరా రేస్ నుంచి తప్పుకున్నా పండుగ జోష్ తగ్గేలా లేదు. సినీ అభిమానులను అలరించడానికి మేమున్నామంటూ స్టార్ హీరోలు సిద్ధమైపోతున్నారు.
జూనియర్ ఎన్టీఆర్ త్రిపాత్రాభినయం చేస్తున్న “జై లవకుశ” చిత్రం సెప్టెంబర్ 1వ తేదీన విడుదలై హంగామాని మొదలు పెట్టనుంది. వాయిదాలతో జూన్ నుంచే సెప్టెంబర్ కి వెళ్లిన మహేష్ ‘స్పైడర్’ సెప్టెంబర్ 27వ తేదీన థియేటర్లోకి రానుంది. వెంటనే బాలకృష్ణ దూసుకు వస్తున్నాడు. పూరి జగన్నాథ్ దర్శకత్వంలో ఆయన నటిస్తున్న పైసా వసూల్ “ సెప్టెంబర్ 29వ తేదీన రిలీజ్ కాబోతోంది. పండుగ సందడిని అబ్బాయి మొదలు పెట్టగా బాబాయ్ ముగించనున్నాడన్నమాట.
Also, do SUBSCRIBE to our YouTube channel to get latest Tollywood updates.
