అసలు విషయం బయటపెట్టేసిన తమన్..!

సంక్రాంతికి వస్తున్న పెద్ద సినిమాల్లో అల్లు అర్జున్ ‘అల వైకుంఠపురంలో’ ఒకటి. అల్లు అర్జున్ హీరోగా మాటల మాంత్రికుడు త్రివిక్రమ్ డైరెక్షన్లో తెరకెక్కుతున్న ఈ చిత్రం పై ప్రేక్షకుల్లో భారీ అంచనాలే నెలకొన్నాయి. షూటింగ్ దశలో ఉన్న ఈ చిత్రానికి తమన్ సంగీతమందిస్తున్నాడు. మాస్ ఆడియన్స్ కు కావాల్సిన మ్యూజిక్ ఇవ్వడంలో తమన్ దిట్ట అని అందరికీ తెలిసిందే. దీంతో ప్రేక్షకులు… ఈ చిత్రం పాటల కోసం ఎంతో ఆసక్తిగా ఎదురుచూస్తున్నారు.

అందుకోసమే.. పాటలు నవంబర్లో వస్తాయని హింట్ ఇస్తున్నాడు తమన్. ఇటీవల తన సోషల్ మీడియాలో త్రివిక్రమ్, బన్నీలతో కలిసి ఉన్న ఓ ఫొటోను పోస్ట్ చేశాడు తమన్. ఆ ట్వీట్ కు ‘నవంబర్ కమింగ్ సూన్’ అనే హ్యష్ ట్యాగ్ కూడా పెట్టాడు. దీంతో పాటలు నవంబర్ నెలలోనే వస్తాయని తమన్ ఇండైరెక్ట్ గా చెప్పుకొచ్చాడు. ‘గీతా ఆర్ట్స్’ ‘హారిక అండ్ హాసిని క్రియేషన్స్’ సంస్థలు కలిసి నిర్మిస్తున్న ఈ చిత్రాన్ని 2020 సంక్రాంతి కానుకగా విడుదల చేయబోతున్నారు. పూజా హెగ్డే హీరోయిన్ గా నటిస్తున్న ఈ చిత్రంలో సుశాంత్, నివేదా పేతురాజ్, టబు, జయరామ్ వంటి వారు కీలక పాత్రలు పోషిస్తున్నారు.