‘ఆర్.ఆర్.ఆర్’… ఈ వార్త అయినా నిజమేనా?

రాజమౌళి ప్రస్తుతం చరణ్,ఎన్టీఆర్ లతో ‘ఆర్.ఆర్.ఆర్’ అనే చిత్రం తెరకెక్కిస్తున్నాడు. చరణ్, ఎన్టీఆర్ లు హీరోలుగా నటిస్తున్న ఈ చిత్రం షూటింగ్ ప్రస్తుతం బల్గెరియా లో జరుగుతుంది. ఎన్టీఆర్ పై కొన్ని యాక్షన్ సీన్లను అక్కడ చిత్రీకరిస్తున్నారు. ఎన్టీఆర్ ఈ చిత్రంలో కొమరం భీమ్ గా కనిపించబోతున్నాడు. ఇక చరణ్ కూడా కొన్ని యాక్షన్ సీన్ల కోసం ట్రైనింగ్ తీసుకుంటున్నాడు. చరణ్ ఈ చిత్రంలో అల్లూరి సీతారామరాజు పాత్ర పోషిస్తున్నాడు. ఇక ఆయన సరసన అలియా భట్ హీరోయిన్ గా నటిస్తుంది. ఎన్టీఆర్ సరసన ఇంకా హీరోయిన్ ను ఫైనల్ చేయలేదు.

ఇదిలా ఉండగా.. ఈ చిత్రానికి సంబంధించి హీరోల ఫస్ట్ లుక్స్ ను ఆగష్టు 15 న స్వాతంత్య్ర దినోత్సవం రోజున విడుదల చేస్తారని అంతా అనుకున్నారు. కానీ రాజమౌళి అలా చేయలేదు. వినాయక చవితికైనా విడుదల చేస్తాడనుకుంటే అదీ లేదు. అయితే అక్టోబర్ 22న ఉద్యమ వీరుడు కొమరం భీం జయంతి సందర్బంగా… ‘ఆర్.ఆర్.ఆర్’ నుండీ ఎన్టీఆర్ కొమరం భీం లుక్ ను విడుదల చేయబోతున్నారని వార్తలు వస్తున్నాయి. అయితే ఈ వార్త పై ఎటువంటి అధికారిక ప్రకటన రాలేదు.. కాబట్టి అభిమానులకి నమ్మకం లేదు. కానీ ‘ఆర్.ఆర్.ఆర్’ ను 2020 జూలై 30 న విడుదల చేయబోతున్నామని నిర్మాత దానయ్య, అలాగే రాజమౌళి ప్రెస్ మీట్ పెట్టి తెలిపిన సంగతి తెలిసిందే. వాళ్ళు ప్రకటించిన దానిని బట్టి విడుదలకి ఇంకా 11 నెలలు మాత్రమే సమయం ఉంది. మరి 400 కోట్ల బడ్జెట్ చిత్రాన్ని ఓ సంవత్సరం నుండీ ప్రమోట్ చేస్తేనే కానీ కుదరదు. ‘బాహుబలి’ విషయంలో రాజమౌళి ఇదే పని చేశాడు. అందుకే భారీ వసూళ్ళు సాధ్యమైంది. ఈసారి కూడా జక్కన్న అదే ఫార్ములా అప్లై చేసే అవకాశం ఉంది. కాబట్టి ఈ వార్త కొట్టిపారేసేది అయితే కాదనే చెప్పాలి.