బాలీవుడ్ స్టార్ హీరోయిన్ కంగనా రనౌత్ కి కోర్టు మరోసారి షాకిచ్చింది. రచయిత జావేద్ అక్తర్ ముంబై కోర్టులో కంగనాపై ఓ పిటిషన దాఖలు చేసి కొంతకాలమవుతుంది. ఓ ఇంటర్వ్యూ ఆమె కారణం లేకుండా తనపై అనుచిత వ్యాఖ్యలు చేయడంపై జావేద్ పిటిషన్ దాఖలు చేశారు. అది విచారణ జరుగుతోంది కానీ కంగనా మాత్రం కోర్టుకి హాజరు కావడం లేదు. ఇప్పటికే కోర్టు నోటీసులు జారీ చేసినా.. కంగనా మాత్రం హాజరు కాలేదు.
తాజాగా ఆ పిటిషన్ మరోసారి విచారణకు రాగా.. ఆ సమయంలో కంగనా న్యాయ‌వాది మాట్లాడుతూ.. ఆమెకి కరోనా లక్షణాలు ఉన్నాయంటూ కోర్టుకి విన్నవించారు. ‘తలైవి’ సినిమా ప్రమోషన్ కోసం కంగనా చాలా చోట్లకు తిరిగిందని.. ఈ నేపథ్యంలో ఆమెకి కరోనా లక్షణాలు కనిపిస్తున్నాయని.. అందుకే ఆమె కోర్టుకి హాజరుకావడం లేదని తెలిపాడు. మరో ఏడురోజుల గడువును కోరాడు. అయితే కంగనా తీరుపై కోర్టు ఆగ్రహం వ్యక్తం చేసింది. విచారణకు హాజారు కాకపోవడంపై తీవ్రంగా మండిపడింది.
తదుపరి విచారణకు హాజరు కాకపోతే.. అరెస్ట్ కు ఆదేశించాల్సి ఉంటుందంటూ కోర్టు వార్నింగ్ ఇచ్చింది. ఈ నెల 20వ తేదీన తదుపరి విచారణ జరుగుతుందని.. ఆ రోజున కంగనా కోర్టుకి హాజరు కావాల్సిందేనని.. లేకపోతే అరెస్ట్ ఆదేశాలను ఇస్తామని కోర్టు వ్యాఖ్యానించింది.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home