స్టార్ హీరోయిన్ కి షాకిచ్చిన ముంబై కోర్టు!

March 25, 2021 / 08:37 PM ISTByFilmy Focus

Join Us

స్టార్ హీరోయిన్ కి షాకిచ్చిన ముంబై కోర్టు!

బాలీవుడ్ స్టార్ హీరోయిన్ అలియా భట్, దర్శకుడు సంజయ్ లీలా భన్సాలీకి ముంబై కోర్టు సమన్లు జారీ చేసింది. బాలీవుడ్ లో ముంబై మాఫియాకి చెందిన గంగూబాయి జీవితం ఆధారంగా ‘గంగూభాయ్ కతియావాడి’ అనే సినిమా తెరకెక్కుతోన్న సంగతి తెలిసిందే. ముంబై రెడ్ లైట్ ప్రాంతం కామాటిపుర చుట్టూ ఈ కథ తిరుగుతుంది. గంగూబాయి పాత్రలో అలియా భట్ నటిస్తోంది. అయితే ఈ సినిమా కథాంశం తన తల్లిని కించపరిచేలా ఉందంటూ గంగూబాయి దత్తపుత్రుల్లో ఒకరైన బాబూజీ రాజీ షా కోర్టులో పరువు నష్టం దావా వేశారు.

సినిమా కథాంశం చనిపోయిన తన తల్లి గోప్యత హక్కుని హరించేలా ఉందని బాబూజీ షా తన పిటిషన్ లో పేర్కొన్నాడు. దీనిపై విచారించిన కోర్టు.. నటి అలియా భట్, దర్శకుడు భన్సాలీతో పాటు మాఫియా క్వీన్స్ ఆఫ్ ముంబై అనే పుస్తకాన్ని రచించిన హుస్సేన్ జైదీలకు సమన్లు జారీ చేసింది. దీనిపై సమాధానం చెప్పాలని ముంబై కోర్టు ఆదేశించింది. ముంబై రెడ్ లైట్ ఏరియాలో వేశ్యలకు నాయకురాలిగా వ్యవహరించి మాఫియా క్వీన్ గా పేరొందిన గంగూబాయి కథతో సినిమా అనగానే బాలీవుడ్ లో ఈ ప్రాజెక్ట్ పై మంచి హైప్ వచ్చింది.

పైగా అలియా లాంటి స్టార్ హీరోయిన్ నటిస్తుండడంతో బజ్ మరింత పెరిగింది. ఈ సినిమా కోసం ముంబై ఫిల్మ్ సిటీలో ప్రత్యేకంగా సెట్ వేశారు. షూటింగ్ సమయంలో దర్సకుడు సంజయ్ భన్సాలీకి కోవిడ్ సోకడంతో షూటింగ్ కి బ్రేక్ పడింది. ఇప్పుడు ఆయన ఆరోగ్యం బాగుపడడంతో తిరిగి షూటింగ్ ని మొదలుపెట్టనున్నారు. ఈ ఏడాది జూలై 30న ఈ సినిమాను విడుదల చేయనున్నారు.