Murari Collections: ‘మురారి’ కి 25 ఏళ్ళు… ఫైనల్ కలెక్షన్స్ ఇవే

February 17, 2026 / 08:18 PM ISTByPhani Kumar

Join Us

మహేష్ బాబు ఇప్పుడు సూపర్ స్టార్. ఒకప్పుడు సూపర్ స్టార్ కృష్ణ గారి తనయుడు. ‘రాజకుమారుడు’ తో మంచి డెబ్యూ ఇచ్చినప్పటికీ తర్వాత చేసిన ‘యువరాజు’ ‘వంశీ’ వంటి సినిమాలు నిరుత్సాహపరిచాయి. దీంతో మహేష్ హీరోగా నిలబడతాడా? అనే అనుమానాలు వ్యక్తమయ్యాయి. ఎందుకంటే కృష్ణ గారి పెద్దబ్బాయి రమేష్ బాబు కూడా హీరోగా నిలబడలేకపోయారు కాబట్టి..! అందుకే కృష్ణ గారితో పాటు కృష్ణ గారి అభిమానులు కూడా టెన్షన్ పడ్డారు.

Murari Collections

మహేష్ ఎంత అందంగా ఉన్నా.. నటుడిగా ఆడియన్స్ కి దగ్గరవ్వకపోతే అతనికి కెరీర్ ఉండదు. దానికి భయపడే కాబోలు శోభన్ బాబు వంటి స్టార్ హీరోలు తమ కొడుకులను ఇండస్ట్రీకి పరిచయం చేయలేదు. కాబట్టి కృష్ణ వారసులు కూడా నెట్టుకు రాలేరేమో అని ఇండస్ట్రీ మొత్తం అనుమానాలు వ్యక్తం చేసింది. అలాంటి టైంలో ‘మురారి’ వచ్చింది. కృష్ణవంశీ దీనికి దర్శకుడు. ‘రామ్ ప్రసాద్ ఆర్ట్స్’ బ్యానర్ పై రామలింగేశ్వరరావు, ఎన్.దేవి ప్రసాద్ గోపి నందిగం..లు నిర్మించారు.

murari collections

2001 ఫిబ్రవరి 17న పెద్దగా అంచనాలు లేకుండా రిలీజ్ అయ్యింది ‘మురారి’. ఊహించని విధంగా సినిమాకి మొదట ప్లాప్ టాక్ వచ్చింది. కానీ రెండో వారం ఫ్యామిలీ ఆడియన్స్ థియేటర్లకు క్యూలు కట్టారు. దీంతో బాక్సాఫీస్ వద్ద నిలదొక్కుకుని సూపర్ హిట్ గా నిలిచింది. నేటితో ‘మురారి’ రిలీజ్ అయ్యి 25 ఏళ్ళు పూర్తి కావస్తోంది. ఈ సందర్భంగా ఒకసారి క్లోజింగ్ కలెక్షన్స్ ను ఓ లుక్కేద్దాం రండి :

నైజాం	3.25 cr
సీడెడ్	2.11 cr
ఉత్తరాంధ్ర	1.55 cr
ఈస్ట్	0.92 cr
వెస్ట్	0.80 cr
గుంటూరు	1.65 cr
కృష్ణా	1.35 cr
నెల్లూరు	0.70 cr
ఏపీ + తెలంగాణ (టోటల్)	12.33 cr
రెస్ట్ ఆఫ్ ఇండియా + ఓవర్సీస్	0.65 Cr
వరల్డ్ వైడ్ (టోటల్)	12.98 cr

‘మురారి'(Murari) చిత్రం రూ.8 కోట్ల బ్రేక్ ఈవెన్ టార్గెట్ తో బరిలోకి దిగింది. ఫిబ్రవరి వంటి అన్ సీజన్లో రిలీజ్ అయ్యింది. మొదటి షోకే ప్లాప్ టాక్. అయితే తర్వాత ఫ్యామిలీ ఆడియన్స్ యాక్సెప్టెన్స్ తో సినిమా బాక్సాఫీస్ వద్ద ఫుల్ రన్లో రూ.12.98 కోట్ల షేర్ ను రాబట్టింది. బయ్యర్స్ కి రూ.4.98 కోట్ల లాభాలు మిగిల్చి సూపర్ హిట్ అనిపించుకుంది.