సినీ పరిశ్రమని విషాదాలు వెంటాడుతూనే ఉన్నాయి.శరత్ బాబు, గద్దర్ మ్యూజిక్ డైరెక్టర్ దశి అలియాస్ శివ కుమార్ వంటి వారు ఇటీవల మరణించిన సంగతి తెలిసిందే. వాళ్ళు మాత్రమే కాదు ఇంకా కొంతమంది సెలబ్రిటీలు అనారోగ్య సమస్యలతో , వయసు సంబంధిత సమస్యలతో మరణించారు. ఆ షాక్ ల నుండి సినీ పరిశ్రమ కోలుకోకుండానే మరో విషాదకరమైన వార్త వినాల్సి వచ్చింది. వివరాల్లోకి వెళితే.. ప్రముఖ తమిళ సంగీత దర్శకుడు దశి అలియాస్ శివ కుమార్ రోడ్డు ప్రమాదంలో మరణించాడు.
ఆదివారం నాడు ఆయన తన కారులో స్నేహితులతో కలిసి ప్రయాణిస్తూ ఉండగా ఈ ప్రమాదం చోటు చేసుకున్నట్లు స్పష్టమవుతుంది. ఈ ఘటనలో శివకుమార్ తో పాటు అతని స్నేహితులు కూడా మరణించినట్టు తెలుస్తుంది.సాలి గ్రామానికి చెందిన శివ కుమార్ పలు తమిళ, మలయాళ సినిమాలకి సంగీత దర్శకుడిగా పనిచేశాడు. అతని వయసు 50 ఏళ్లు మాత్రమే. ఆస్ట్రేలియాకు చెందిన తమిళ్ అదియన్ , ఆవడికి చెందిన రియల్టర్ నాగరాజ్ , పుదుప్పేట్కు చెందిన సినీ దర్శకుడు మూవేందన్ వంటి వారు శివ కుమార్ తో పాటు మరణించినట్టు పోలీసులు తెలిపారు.
తిరుపూర్ జిల్లా అవినాషి పట్టణం సమీపంలోకి ఈ ప్రమాదం చోటు చేసుకున్నట్లు వారు గుర్తించారు. ఈ ఘటన గురించి మరిన్ని వివరాలు తెలియాల్సి ఉంది. శివ కుమార్ మరణవార్తతో కోలీవుడ్లో విషాద ఛాయలు అలుముకున్నాయి. అతని ( Sivakumar) మరణవార్తకి చింతిస్తూ పలువురు సినీ ప్రముఖులు సానుభూతి తెలుపుతున్నారు.
ఈ వీకెండ్ కి ఓటీటీలో సందడి చేయబోతున్న సినిమాలు/సిరీస్..ల లిస్ట్..!
బిగ్ బాస్ సీజన్ – 7 ఎలా ఉండబోతోందో తెలుసా?
