ప్రభాస్ సినిమాతో మిక్కీకి ఆ లోటు తీరిపోతుంది..!

మిక్కీ.జె,మేయర్ మ్యూజిక్ డైరెక్టర్స్ లో ఇతను చాలా ప్రత్యేకం. ఎందుకంటే ఎక్కువగా ఇతను క్లాస్ సినిమాలకు మాత్రమే మ్యూజిక్ డైరెక్టర్ గా వ్యవహరిస్తూ ఉంటాడు. సినిమా చూస్తున్నప్పుడు తప్ప ఇతని పాటలకు టైం కేటాయించారు మన ప్రేక్షకులు. ఒకవేళ టైం కేటాయించుకుని ఇతను సంగీతం సమకూర్చిన పాటలు వింటే మాత్రం అస్సలు వదిలిపెట్టలేరు. ఇక క్లాస్ మ్యూజిక్ డైరెక్టర్ అనే పేరొచ్చింది కదా అని ఇతను మాస్ మ్యూజిక్ ఇవ్వలేడు అనుకుంటే పొరపాటే.

2015 లో వచ్చిన ‘సుబ్రహ్మణ్యం ఫర్ సేల్’ అలాగే 2019 చివర్లో వచ్చిన ‘గద్దలకొండ గణేష్’ చిత్రాలకు ఇతను మాస్ మ్యూజిక్ ఇచ్చి అందరినీ ఆశ్చర్యపోయేలా చేసాడు. అయితే ఇతనికి ఒక్క మహేష్ బాబు తప్ప మరే పెద్ద హీరో కూడా ఇప్పటివరకూ ఛాన్స్ ఇవ్వలేదు. మహేష్ బాబుతో మాత్రం ‘సీతమ్మ వాకిట్లో సిరిమల్లె చెట్టు’ ‘బ్రహ్మోత్సవం’ వంటి చిత్రాలు చేసాడు.అవి రెండు కూడా మ్యూజికల్ హిట్సే..! ‘బ్రహ్మోత్సవం’ సినిమా కనుక హిట్ అయ్యి ఉంటే.. ఇతనికి బడా హీరోల నుండీ ఛాన్సులు దక్కించుకునేవాడు.

కానీ ఆ చిత్రం ఆడలేదు. అయితేనేం ఇప్పుడు ప్రభాస్ అంతటి పాన్ ఇండియా స్టార్ ఛాన్స్ ఇచ్చాడు. అవును ప్రభాస్ – నాగ్ అశ్విన్ కాంబినేషన్లో తెరకెక్కుతోన్న చిత్రానికి ఇతనే సంగీత దర్శకుడు. సైన్స్ ఫిక్షన్ కథాంశంతో తెరకెక్కుతోన్న ఈ చిత్రానికి కనుక మిక్కీ మంచి మ్యూజిక్ ఇస్తే.. ఇతనికి కూడా పాన్ ఇండియా లెవెల్లో గుర్తింపు వస్తుంది. అంతేకాదు నాని హీరోగా తెరకెక్కుతోన్న ‘శ్యామ్ సింగరాయ్’ చిత్రానికి కూడా ఇతనే సంగీత దర్శకుడు. అది కూడా భారీ బడ్జెట్ చిత్రమే కావడం విశేషం.

Most Recommended Video

ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
సౌత్ లో సక్సెస్ అయిన టాక్ షోలు.. ఏ తారలు హోస్ట్ చేసినవంటే..!
వరల్డ్ రికార్డ్ కొట్టి.. టాలీవుడ్ స్థాయిని పెంచిన సెలబ్రిటీల లిస్ట్..!