టాలీవుడ్ సీనియర్ స్టార్ డైరెక్టర్ ముత్యాల సుబ్బయ్య చిరంజీవితో అన్నయ్య, బాలకృష్ణతో కృష్ణబాబు సినిమాలను తెరకెక్కించారు. ఈ సినిమాలలో అన్నయ్య హిట్ గా నిలిస్తే కృష్ణబాబు మాత్రం ఫ్లాప్ అయింది. ఈ సినిమాల గురించి మాట్లాడుతూ ముత్యాల సుబ్బయ్య ఆసక్తికర విషయాలను వెల్లడించారు. కృష్ణబాబు మంచి కథే అయినా నిర్మాతలు బాలయ్య ఇచ్చిన అవకాశాన్ని సద్వినియోగం చేసుకోలేకపోయారని ముత్యాల సుబ్బయ్య అన్నారు. కృష్ణబాబు సినిమాలో హీరో హీరోయిన్ ను ఇంటర్వెల్ లో చంపటానికి ప్రయత్నించడంతో
కథ మలుపు తిరుగుతుందని సినిమాకు మిక్సింగ్ సమయంలో జరిగిన పొరపాటు వల్ల సౌండ్ లో తేడా రావడంతో డామేజ్ జరిగిందని ముత్యాల సుబ్బయ్య అన్నారు. అలా జరగడంతో బాలయ్య చాలా ఫీలయ్యారని అయితే ఎవరినీ ఏమీ అనలేదని ముత్యాల సుబ్బయ్య చెప్పుకొచ్చారు. కృష్ణబాబు తర్వాత చిరంజీవి సినిమాకు డైరెక్షన్ ఛాన్స్ రాగా ఆ సినిమా షూటింగ్ సమయంలో చిరంజీవి తన నటనతో నవ్వించారని ముత్యాల సుబ్బయ్య తెలిపారు. చిరంజీవి గారు నటిస్తుంటే షూటింగ్ స్పాట్ లో నవ్వాపుకోలేక అందరూ నవ్వేశారని ముత్యాల సుబ్బయ్య చెప్పుకొచ్చారు.
అన్నయ్య సినిమాలో చిరంజీవి, సౌందర్య మధ్య సీన్లు బాగా పండాయని ముత్యాల సుబ్బయ్య అన్నారు. సెకండాఫ్ లో మరింత మెలోడ్రామా ఉంటే బాగుంటుందని భావించానని కానీ ఎంటర్‌టైన్‌మెంట్‌ వేలోనే వెళదామని చెప్పడంతో నిర్ణయం మార్చుకున్నానని ముత్యాల సుబ్బయ్య తెలిపారు. దాదాపు అందరు సీనియర్ స్టార్ హీరోలతో తాను సినిమాలు తీశానని అయితే నాగార్జునతో సినిమా తీయలేదనే అసంతృప్తి ఉందని ముత్యాల సుబ్బయ్య వెల్లడించారు.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
