ఎన్టీఆర్ తో నటించాలని ఆశపడుతున్న రితిక సింగ్

మార్షల్ ఆర్ట్స్ లో ఎన్నో మెడల్స్ అందుకున్న రితిక సింగ్ జీవితాన్ని “సాల ఖడూస్” అనే హిందీ చిత్రం మలుపుతిప్పింది. ఇందులో బాక్సింగ్ క్రీడాకారిణి గా నటించిన ఆమె ఆ తర్వాత వెనక్కి తిరిగి చూసుకోలేదు. వరుసగా ఆఫర్లు వచ్చి పడ్డాయి. ఆ సినిమాకి రీమేక్ అయిన “గురు” చిత్రంలోను ఫుల్ మాస్ గా నటించి తెలుగు వారి గుండెల్లో స్థానం సంపాదించుకుంది. అలాగే లారెన్స్ శివలింగలో నటన, డ్యాన్స్ తో మంచి పేరు తెచ్చుకుంది. ఇప్పుడు తెలుగు, తమిళంలో యువహీరోలు ఆమెతో కలిసి నటించాలని తహతహలాడుతుంటే ఆమె మాత్రం యంగ్ టైగర్ ఎన్టీఆర్ తో నటించాలని ఆరాటపడుతోంది.

రీసెంట్ గా ఓ మీడియాకు ఇచ్చిన ఇంటర్వ్యూ లో 22 ఏళ్ళ బ్యూటీ మాట్లాడుతూ ” ఎన్టీఆర్ లాంటి నటులతో నటించాలని కోరికగా ఉంది. తారక్ తో నటించడం ఛాలెంజింగ్ గా ఉంటుంది” అని తన మనసులోని మాటను బయటపెట్టింది. యంగ్ టైగర్ తో స్క్రీన్ షేర్ చేసుకోవడమంటే మాటలు కాదు.. నటనలోనూ, డ్యాన్సులోను మంచి పట్టుండాలి. అలా చేయగలిగితే మంచి గుర్తింపు కూడా వస్తుంది. ప్రస్తుతం ఎన్టీఆర్ జై లవ కుశ సినిమాతోనూ, రితిక ఓ తమిళ సినిమాతోనూ బిజీగా ఉన్నారు. ఈ ప్రాజక్ట్ అయిన తరువాతైనా ఈ జోడీ వెండితెరపైనే కనిపిస్తే సూపర్ గా ఉంటుంది.

Also, do SUBSCRIBE to our YouTube channel to get latest Tollywood updates.