మహేష్, పవన్, ప్రభాస్ ల డేట్స్ కోరిన మైత్రి మూవీ మేకర్స్!

నవీన్ యెర్నేని, రవి శంకర్, మోహన్ చెరుకూరి.. ఈ పేర్లు చాలామందికి తెలియదు. వీరే మహేష్ బాబు తో శ్రీమంతుడు అనే సినిమాని నిర్మించింది. అయితే వీరి పేర్లు కంటే.. వారు స్థాపించిన మైత్రి మూవీ మేకర్స్ సంస్థ పేరు బాగా పరిచయం. ఎందుకంటే మొదటి సినిమాతో బ్లాక్ బస్టర్ హిట్ అందుకున్న వీరు తర్వాత ఎన్టీఆర్ తో జనతా గ్యారేజ్ చేసి మరో హిట్ సొంతం చేసుకున్నారు. ఇప్పుడు రామ్ చరణ్ తో  రంగస్థలం 1985 మూవీ నిర్మిస్తున్నారు. అలాగే నాగచైతన్యతో సవ్యసాచి మొదలెట్టారు. ఇలా రెండు ప్రాజెక్టులు సెట్స్ మీద ఉండగానే మరో పది సినిమాలను లైన్లో పెట్టారు. ఆశ్చర్యంగా ఉంది కదూ.

అది కూడా చిన్న హీరోలతో కాదు.. స్టార్ హీరోల డేట్స్ తమకే కేటాయించాలని ముందుగానే అడ్వాన్సులు కూడా ఇచ్చినట్లు తెలిసింది. వీరిలో ప్రభాస్, పవన్, మహేష్ బాబు ఉన్నారు. ప్రభాస్ సినిమాకు డైరక్టర్ ఇంకా ఫిక్స్ కాలేదు. పవన్ సినిమాకు మాత్రం సంతోష్ శ్రీనివాస్ పేరు వినిపిస్తోంది. అలాగే మహేష్, నాని, విజయ్ దేవరకొండ, రవితేజ, అఖిల్, సాయిధరమ్ తేజ్  లతో సినిమాలు చేయడానికి సిద్ధమవుతున్నట్లు సమాచారం. సినిమాలపై పూర్తి అవగాహన కలిగిన ఈ ముగ్గురు రంగస్థలంతో హ్యాట్రిక్ హిట్ అందుకోవడానికి రెడీ అవుతున్నారు. సుకుమార్ దర్శకత్వంలో రూపుదిద్దుకుంటున్న ఈ సినిమా మార్చిలో రిలీజ్ కానుంది.