మాటల మాంత్రికుడికి సడెన్ షాక్ ఇచ్చిన మైత్రిమూవీ మేక‌ర్స్

ప్రస్తుతం టాలీవుడ్ డైరెక్టర్లలో మంచి క్రేజ్ ఉన్న దర్శకుడు త్రివిక్రమ్ శ్రీనివాస్. కెరియర్ మొదట్లో రైటర్ గా తనకంటూ ఒక క్రేజ్ సంపాదించి తక్కువ సమయంలోనే మంచి పేరు సంపాదించాడు. ఆ తరువాత ‘నువ్వే నువ్వే’ సినిమాతో దర్శకుడిగా మారి ఎన్నో సూపర్ హిట్ సినిమాలు తీసాడు. అయితే కొన్ని చిత్రాలు ఆశించినంత విజయాన్ని సాదించనప్పటికీ ఆయన క్రేజ్ మాత్రం తగ్గలేదు. ఇది ఇలా ఉంటె డైరెక్టర్ త్రివిక్రమ్ నెక్స్ట్ చేయబోయే సినిమా విషయంలో నిర్మాతల విషయంలో కాస్త అయోమయంలో ఉన్నట్లుగా సమాచారం.

ఇక విషయంలోకి వెళితే, గతంలో మైత్రిమూవీ మేక‌ర్స్ త్రివిక్రమ్ తో ఒక సినిమా చేయాలనీ భావించి ముందగానే త్రివిక్రమ్ కి అడ్వాన్స్ కూడా ఇచ్చారంటా. కానీ కొంతకాలం నుండి త్రివిక్రమ్ హారిక‌- హాసిని క్రియేష‌న్స్ బ్యాన‌ర్‌లోనే సినిమాలు చేస్తున్నాడు. ఇక త్రివిక్రమ్, అల్లు అర్జున్ తో చేయబోయే సినిమా కూడా అదే బ్యానర్ లో రాబోతుందని సమాచారం. దీంతో మైత్రి మూవీ మేకర్స్ అల్లు అర్జున్ తో చేయబోయే సినిమా ని తమ బ్యానర్ లో చేయవలసిందిగా కోరగా త్రివిక్రమ్ తను తీసుకున్న అడ్వాన్స్ వారికీ తిరిగి ఇవ్వడనికి ప్రయత్నించగా, మేము అడ్వాన్స్ సినిమా చేయడానికి ఇచ్చాము, ఒకవేళ సినిమా చేయను అంటే తీసుకున్న అడ్వాన్స్ కి వడ్డీ తో కలిపి ఇవ్వాలని మైత్రి మూవీ మేకర్స్ చెప్పారంటా. దీంతో షాక్ కి గురైన త్రివిక్రమ్ ఇప్పుడు ఏ బ్యానర్ లో సినిమా తీస్తాడనేది చర్చగా మారింది.