Ustaad Bhagat Singh: ‘మైత్రి’ సెంటిమెంట్.. ‘ఉస్తాద్ భగత్ సింగ్’ కి కలిసొస్తుందా?

‘మైత్రి మూవీ మేకర్స్’ ట్రాక్ రికార్డ్ చూసుకుంటే వాళ్ళు ఇప్పటివరకు చేసిన పెద్ద సినిమాలు బాక్సాఫీస్ వద్ద ఫెయిల్ అయ్యింది లేదు. వాళ్ళ బ్యానర్లో సినిమా వచ్చింది అంటేనే మినిమమ్ గ్యారెంటీ అని అటు ఇండస్ట్రీ వర్గాలు కానీ ట్రేడ్ సర్కిల్స్ కానీ ఆశాభావం వ్యక్తం చేస్తాయి.

Ustaad Bhagat Singh

ముఖ్యంగా పెద్ద సినిమాల విషయంలో మరీను. ఆ నమ్మకంతోనే వాటికి బిజినెస్ కూడా ఈజీగా జరిగిపోతుంటుంది.మైత్రి మూవీ మేకర్స్ ట్రాక్ రికార్డు కనుక చూసుకుంటే.. మహేష్ బాబుతో చేసిన ‘శ్రీమంతుడు’ తో వీరి ప్రయాణం మొదలైంది.

ఆ సినిమా నాన్ బాహుబలి ఇండస్ట్రీ హిట్ గా నిలిచింది. తర్వాత జూనియర్ ఎన్టీఆర్ తో ‘జనతా గ్యారేజ్ చేశారు.. అది కూడా సూపర్ హిట్ అయ్యింది. అటు తర్వాత రాంచరణ్ తో చేసిన ‘రంగస్థలం’ కూడా నాన్ బాహుబలి ఇండస్ట్రీ హిట్ గా నిలిచింది.

ఇక అల్లు అర్జున్ తో చేసిన ‘పుష్ప: ది రైజ్’ ‘పుష్ప ది రూల్’, మళ్ళీ మహేష్ తో చేసిన ‘సర్కారు వారి పాట’, చిరంజీవి తో చేసిన ‘వాల్తేరు వీరయ్య’, బాలకృష్ణతో చేసిన ‘వీరసింహారెడ్డి’ వంటి పెద్ద సినిమాలు కూడా సూపర్ హిట్లు అయ్యాయి. ప్రస్తుతం ఎన్టీఆర్ తో చేసిన ‘డ్రాగన్’, రామ్ చరణ్ – సుకుమార్..ల సినిమాపై కూడా అంచనాలు గట్టిగానే ఉన్నాయి. ఇప్పుడు అందరి దృష్టి ‘ఉస్తాద్ భగత్ సింగ్’ పై పడింది. అయితే ప్రమోషన్స్ లో భాగంగా విడుదల చేసిన ట్రైలర్ కి ఆశించిన స్థాయిలో రెస్పాన్స్ రాలేదు.

అందులో కథపై ఎటువంటి హిట్ ఇవ్వకపోవడం వల్లే మిక్స్డ్ రెస్పాన్స్ వచ్చింది అనుకోవాలి. అయితే హరీష్- పవన్ కాంబోలో వచ్చిన ‘గబ్బర్ సింగ్’ సూపర్ హిట్ అయ్యింది. అలాగే మైత్రి లో చేసిన పెద్ద సినిమాలు ఇప్పటివరకు ఫెయిల్ అయ్యింది లేదు. మరి ఈ సెంటిమెంట్లు ‘ఉస్తాద్ భగత్ సింగ్’ కి ఏ రేంజ్లో కలిసొస్తాయో చూడాలి.

ఎప్పుడూ చేయని జోనర్‌లోకి వస్తున్న సిద్ధు జొన్నలగ్డ.. డబుల్‌ షిఫ్ట్‌లు ఫిక్స్‌