Nabha Natesh: తన పాత్రపై క్లారిటీ ఇచ్చిన నభా నటేష్!

September 14, 2021 / 10:35 AM ISTByFilmy Focus

Join Us

Nabha Natesh: తన పాత్రపై క్లారిటీ ఇచ్చిన నభా నటేష్!

బాలీవుడ్ లో హిట్ అయిన ‘అంధాధూన్’ సినిమాకి రీమేక్ గా తెలుగులో ‘మ్యాస్ట్రో’ అనే సినిమా తెరకెక్కిన సంగతి తెలిసిందే. నితిన్ హీరోగా నటించిన ఈ సినిమాలో నభా నటేష్ హీరోయిన్ గా నటించింది. హిందీలో రాధికా ఆప్టే పోషించిన పాత్రను తెలుగులో నభా చేసింది. అయితే బాలీవుడ్ లో రాధికా రోల్ చాలా బోల్డ్ గా ఉంటుంది. కొన్ని సన్నివేశాల్లో శృతిమించిన శృంగారం ఉంటుంది. హీరోతో లిప్ లాక్ లు, కొన్ని హాట్ సన్నివేశాల్లో రాధికా ఆప్టే నటించింది.

తెలుగులో కూడా ఆ సన్నివేశాలను రిపీట్ చేస్తారా అనే సందేహాలు కలిగాయి. నితిన్-నభా మధ్య రొమాన్స్ డోస్ ఆ రేంజ్ లో ఉంటుందా అని అందరూ అనుకున్నారు. సినిమా స్ట్రీమింగ్ కి ముందే వీటిపై పరోక్షంగా క్లారిటీ ఇచ్చింది నభా నటేష్. తన పాత్రతో పాటు సినిమాలో చాలా సన్నివేశాలు మార్చేశారని చెబుతోంది. రాధికా ఆప్టే అద్భుతంగా నటించిందని.. ఆమెలా చేయగలనా అని అనిపించిందని నభా చెప్పింది. కానీ దర్శకుడు కథను మాత్రం తీసుకొని తన విజన్ తో సినిమా తీశారని..

ఒరిజినల్ సినిమాకి దీనికి సంబంధం ఉందని చెప్పింది. తన పాత్రలో ఎన్నో మార్పులు చేర్పులు చేశారని.. తెలుగు సినిమాలనే ఉంటుంది తప్ప రీమేక్ అనిపించిందని.. కథలోని జీవం మాత్రం అలానే ఉంటుందని చెప్పుకొచ్చింది. తను సినిమాలో గ్లామరస్ గా కనిపిస్తానే తప్ప.. బోల్డ్ గా కనిపించనని పరోక్షంగా కాలారిటీ ఇచ్చింది.