పవన్ కళ్యాణ్ సినిమాలు చేస్తాడు.. కానీ?

2019 ఎన్నికల్లో పవన్ స్థాపించిన జనసేన పార్టీ ఘోర పరాజయం పాలైన సంగతి తెలిసిందే. ఇక 2024 ఎన్నికలకి 5 ఏళ్ళు గ్యాప్ ఉంది కాబట్టి.. మళ్ళీ పవన్ సినిమాలు తీయాలని అభిమానులు కోరుకుంటున్నారు. అయితే పార్టీ అభివృద్ధి పనులు చాలా ఉన్నాయి కాబట్టి సినిమాల్లో నటించనని పవన్ స్పష్టం చేసిన సంగతి తెలిసిందే. అయినప్పటికీ అభిమానులు మాత్రం ఆశలు మాత్రం తగ్గడం లేదు. ఇక జనసేన పార్టీ తరుపున నరసాపురం ఎంపీ గా పోటీచేసిన నాగబాబు ఈ విషయం పై క్లారిటీ ఇచ్చాడు.

• మల్లేశం సినిమా రివ్యూ కోసం ఇక్కడ క్లిక్ చెయ్యండి
• ఏజెంట్ సాయి శ్రీనివాస ఆత్రేయ సినిమా రివ్యూ కోసం ఇక్కడ క్లిక్ చెయ్యండి

నాగబాబు మాట్లాడుతూ.. ” పవన్ కళ్యాణ్ ఇక సినిమాలు చేయడం కుదరదు. బహుశా మేము కోరితే గెస్ట్ రోల్స్ లో నటించే అవకాశం ఉంది. అన్నయ్య చిరంజీవి రాజకీయాలు వద్దనుకుని తిరిగి సినిమాల్లోకి వచ్చేశారు. కానీ పవన్ అలా కాదు.. రాజకీయాల్లోనే ఉండాలని దృఢంగా నిశ్చయించుకున్నాడు” అంటూ నాగబాబు చెప్పుకొచ్చాడు. అయితే పవన్ గత చిత్రం ‘అజ్ఞాతవాసి’ చిత్రం డిజాస్టర్ అయిన సంగతి తెలిసిందే. త్రివిక్రమ్ ఈ చిత్రాన్ని డైరెక్ట్ చేసాడు. అయితే ‘ఇదే కాంబినేషన్లో ఒక్క హిట్టు సినిమా చేస్తే చాలు’ అంటూ మరికొందరు పవన్ అభిమానులు బలంగా కోరుకుంటున్నారు. మరి చివరికి ఏం జరుగుతుందో చూడాలి..!