ఇటీవల నాగబాబు ఉన్నట్లుండి నందమూరి బాలకృష్ణను టార్గెట్ చేస్తూ.. చేసిన వ్యాఖ్యలు ఆన్ లైన్ లో రచ్చ చేసిన విషయం తెలిసిందే. ఆ రచ్చ సరిపోదన్నట్లు.. నిన్న ఆయన మళ్ళీ నాకు బాలయ్య తెలుసు కానీ.. ఆయన వేరే బాలయ్య అని అగ్నికి ఆజ్యం పోసాడు. దాంతో నందమూరి అభిమానులందరూ ఒక్కసారిగా నాగబాబుపై విరుచుకుపడ్డారు. ఈ విషయమై నందమూరి కానీ కొణిదెల కుటుంబాలు కానీ సంప్రదించలేదనుకోండి అది వేరే విషయం. కానీ.. నాగబాబు నోటి దురుసు తాలూకు ఎఫెక్ట్ ఆయన కుమారుడు వరుణ్ తేజ్ పై పడింది.
వరుణ్ తేజ్ కథానాయకుడిగా తెరకెక్కిన “అంతరిక్షం” డిసెంబర్ 21న విడుదలకు సిద్ధమవుతోంది. ఈ చిత్రాన్ని విడుదలవ్వనివ్వకుండా చేస్తామని కొందరు నందమూరి అభిమానులు ఫేస్ బుక్, ట్విట్టర్ లో హెచ్చరికలు జారీ చేస్తున్నారు. ఇప్పటివరకూ వరుణ్ తేజ్ మీద ఒక్కటంటే ఒక్క మైనస్ కూడా లేదు. ఇప్పుడు నాగబాబు పుణ్యమా అని ఆయన కుమారుడి సినిమాకి లేనిపోని ఇబ్బందులు రావడం అనేది చర్చనీయాంశం అయ్యింది. మరి వరుణ్ ఈ ఇబ్బందుల నుంచి ఎలా బయటపడతాడో చూడాలి.
