సినిమా ఇండస్ట్రీకి ఈగో అనేది పర్యాయ పదం లాంటిది. ఒక హీరో గొప్పతనం గురించి మరో హీరో మాట్లాడడం అనేది చాలా అరుదుగా చూస్తుంటాం. తెలుగులో రవితేజ ఒక్కడే తనకు ఇన్స్పిరేషన్ అయిన చిరంజీవి గురించి గొప్పగా చెబుతాడు. ఇక ప్రెజంట్ జనరేషన్ హీరోల్లో నితిన్ మాత్రమే తాను పవన్ కళ్యాణ్ వీరాభిమానినని గర్వంగా చెప్పుకొంటాడు. ప్రస్తుత తరం హీరోలు పరాయి హీరోల గురించి చెప్పుకోవడం అనేది చాలా అరుదైపోయింది. ఇలాంటి తరుణంలో నాగచైతన్య తనకు ఈగో లేదని మరోసారి ప్రూవ్ చేసుకుంటున్నాడు.
“మజిలీ”తో సూపర్ హిట్ అందుకుని, ఇటీవలే “లవ్ స్టోరీ” షూటింగ్ కంప్లీట్ చేసుకున్న చైతూ ఇప్పుడు విక్రమ్ కుమార్ దర్శకత్వంలో “థ్యాంక్ యు” చిత్రంలో నటిస్తున్నాడు. ఈ చిత్రానికి నిర్మాత దిల్ రాజు. ఈ చిత్రంలో చైతన్య టాలీవుడ్ సూపర్ స్టార్ మహేష్ బాబు వీరాభిమానిగా మాత్రమే కాదు. ఏకంగా మహేష్ హైద్రాబాద్ ఫ్యాన్స్ అసోసియేషన్ ప్రెసిడెంట్ గా నటిస్తున్నాడు. ప్రస్తుతం సదరు సన్నివేశాల చిత్రీకరణ హైద్రాబాద్ లో జరుగుతొంది. అక్కడ చైతన్య కటౌట్ ఒకటి లీక్ అవ్వడంతో ఈ విషయం బయటకు వచ్చింది.
గతంలో నాని తన సీనియర్ బాలకృష్ణ ఫ్యాన్ గా “కృష్ణగాడి వీరప్రేమగాథ” చిత్రంలో కనిపించాడు. ఆ తర్వాత ఇప్పుడు చైతన్య తన సీనియర్ మహేష్ ఫ్యాన్ గా కనిపించనున్నాడు. ఇకపోతే.. మహేష్ బాబుతో మూడు సినిమాలు (దూకుడు, సీతమ్మ వాకిట్లో సిరిమల్లె చెట్టు, బ్రహ్మోత్సవం) చేసిన అతి కొద్దిమంది హీరోయిన్స్ లో ఒకరైన సమంత భర్త నాగచైతన్య కావడం కొసమెరుపు. సో, ప్రీరిలీజ్ ఈవెంట్ కు మహేష్ బాబును చీఫ్ గెస్ట్ గా ఎక్స్ పెక్ట్ చేయొచ్చన్నమాట.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
