అక్కినేని హీరోలలో ప్రస్తుతం ఎక్కువ సినిమాలతో బిజీ అవుతున్న వారిలో నాగ చైతన్య టాప్ లో ఉన్నాడు అని చెప్పాలి. గత కొంతకాలంగా అతని బాక్సాఫీస్ మార్కెట్ కూడా అంతకంతకూ పెరుగుతూనే ఉంది. ఎలాంటి సినిమా చేసినా కూడా భారీ స్థాయిలో ఓపెనింగ్స్ అందుతున్నాయి. నిర్మాతలకు నాగ చైతన్య మంచి లాభాలను అందిస్తున్నాడు. దీంతో అతనితో సినిమాలు చేసేందుకు అడ్వాన్స్ ఇవ్వడానికి కూడా కొందరు సిద్ధమవుతున్నారు. ఈ శుక్రవారం అయితే లవ్ స్టొరీ ప్రేక్షకుల ముందుకు రానుంది. ఇక ప్రస్తుతం నాగ చైతన్య అయితే చాలా బిజీగా ఉన్నాడు.
వచ్చే ఏడాది తుది దశ వరకు కూడా అతని డేట్స్ దొరకడం చాలా కష్టం అని చెప్పాలి. ప్రస్తుతం విక్రమ్ కుమార్ దర్శకత్వంలో థాంక్యూ సినిమాతో బిజీగా ఉన్న విషయం తెలిసిందే. ఇక బాలీవుడ్ లో కూడా అమీర్ ఖాన్ లాల్ సింగ్ చద్దా సినిమా షూటింగ్ కొనసాగుతోంది. ఇక ఆ తర్వాత అమెజాన్ ప్రైమ్ తో ఒక వెబ్ సిరీస్ లో చేయనున్నాడు. దానికి కూడా విక్రమ్ కె కుమార్ దర్శకత్వం వహించనున్నాడు.
ఈ ప్రాజెక్టులతో పాటు మైత్రి మూవీ మేకర్స్ పరశురామ్ కాంబినేషన్లో ఒక సినిమాలు చేయాల్సి ఉంది. పరశురాం ప్రస్తుతం మహేష్ బాబు సర్కారు పాట తో బిజీగా ఉన్న విషయం తెలిసిందే. ఆ సినిమా అయిపోయిన వెంటనే నాగచైతన్య పరశురామ్ సినిమాను మొదలుపెట్టాలని అనుకుంటున్నాడు. అలాగే మరో రెండు సినిమాలు కూడా చర్చల దశలో ఉన్నట్లు తెలుస్తోంది. ఇక ఇప్పట్లో ఎవరైనా నాగచైతన్యతో ఏదైనా సినిమా చేయాలని అనుకుంటే వచ్చే ఏడాది సమ్మర్ వరకు ఆగాల్సిందే.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home