అందుకే అఖిల్ సలహాలు తీసుకున్నాను : చైతూ

అక్కినేని థర్డ్ జనరేషన్ హీరోలైన అఖిల్, నాగ‌చైత‌న్య లు ప్రస్తుతం వరుస ప్లాపులతో ఉన్నారు. మొన్నటి వరకూ తండ్రి నాగార్జున కాస్త స్క్రిప్ట్ విషయంలో ఇన్వాల్వ్ అయ్యి నడిపించేవాడు. అయితే ఇప్పుడు ఈ ఇద్దరికీ ఫుల్ ఫ్రీడమ్ ఇచ్చేశాడట. దీంతో వీరిద్దరూ హిట్లు కొట్టలేక సతమతమవుతున్నారు. ఒకరి స్క్రిప్టుల విషయంలో ఒకరు చర్చించుకుంటున్నారని సమాచారం. అయితే అన్న‌య్య‌ చైతూకి తమ్మడు అఖిల్ కొన్ని టిప్స్ ఇచ్చాడట. ఈ విషయాన్ని స్వయంగా నాగచైతన్యే చెప్పాడు. అదేంటి అఖిల్ కంటే చైతూ పెద్దోడు కదా.. అందులోనూ చైతూకైనా చెప్పుకోవడానికి కొన్ని హిట్లున్నాయి.. కానీ అఖిల్ కు అసలు హిట్టే లేదు. మరి అఖిల్ చైతూకి సలహాలివ్వడమేంటి..? అనేగా మీ డౌట్…?

• లక్ష్మీస్ ఎన్టీఆర్  రివ్యూ కోసం ఇక్కడ క్లిక్ చేయండి
• సూర్యకాంతం రివ్యూ కోసం ఇక్కడ క్లిక్ చేయండి
• మెగా అభిమానులు నన్ను వాళ్ళ సొంత చెల్లెల్లా చూసుకుంటారు : నీహారిక కొణిదెల
• ఐరా రివ్యూ కోసం ఇక్కడ క్లిక్ చేయండి 

అదేమీ లేదండీ… చైతూ హీరోగా న‌టించిన ‘మ‌జిలీ’ చిత్రంలో నాగ‌చైత‌న్య ఓ క్రికెట‌ర్‌గా న‌టించాడు. అయితే .. చైతూకి క్రికెట్‌ పై పెద్దగా అవగాహన లేదు. ఈ నేపథ్యంలో క్రికెట్ నేర్చుకోవాల్సివ‌చ్చింది. ఇందుకోసం కొంత‌మంది రంజీ ప్లేయ‌ర్స్ ద‌గ్గ‌ర కోచింగ్ తీసుకున్నాడట చైతూ. దాంతో పాటూ తమ్ముడు అఖిల్ స‌ల‌హాలూ సూచ‌న‌లు కూడా తీసుకున్నాడట. ఈ విషయం పై చైతూ మాట్లాడుతూ ”నాకు క్రికెట్ అస్సలు రాదు. ఎప్పుడో చిన్నప్పుడు ఆడాను. ఆ త‌ర‌వాత మళ్ళీ బ్యాట్ పట్టుకోలేదు. అఖిల్ మాత్రం ఎప్పుడు చూసినా క్రికెట్ ధ్యాస‌లోనే ఉండేవాడు. అందుకే అఖిల్ ద‌గ్గ‌ర టిప్స్ తీసుకున్నాను. ఓ ప్రొఫెష‌న‌ల్ క్రికెట‌ర్ లైఫ్ స్టైల్ ఏమిటో, గ్రౌండ్‌లో ఎలా ఉంటాడో అఖిల్ చెప్పాడు. అవ‌న్నీ పాటించాను..” అంటూ చైతూ తెలిపాడు. ఇక ‘మజిలీ’ చిత్రం సమ్మర్ కానుకగా ఏప్రిల్ 5న విడుదల కాబోతుంది.