మీరు ఇండస్ట్రీలోకి రావడానికి స్ఫూర్తి ఎవరు అని ఇండస్ట్రీలోకి వస్తున్న, వచ్చిన కొత్త కుర్రాళ్లను… అడిగితే ఠక్కున చిరంజీవో, పవన్ కల్యాణ్ అనో చెప్పేస్తారు. అలాంటిది ఆ ఇంటి నుంచే ఇండస్ట్రీలోకి వచ్చేవారిని అడిగితే… వేరే ఆన్సర్‌ ఎందుకొస్తుంది. అందుకే వైష్ణవ్‌తేజ్‌ను ఆ విషయం ఎవరూ అడగరు. అయితే మీకు చిరు, పవన్ ఏ సలహాలు ఇచ్చారు అంటే చాలానే చెప్తారు. కాస్త కొత్తగా ఈ విషయాన్ని వైష్ణవ్ నుండి కాకుండా నాగబాబు నుంచి తెలుసుకుంటే బాగుంటుంది కదా. ఇటీవల ఆయన వైష్ణవ్ గురించి చెప్పిన ఆసక్తికర విషయం మీ కోసం.
వైష్ణవ్ తేజ్‌కు జీవితంలో ఏం చేయాలి అనే విషయంలో కన్ఫ్యూజన్ ఉండేదట. అయితే నటుడిగా మారే ఆలోచన సడన్‌గా వచ్చిందట. ఒక సందర్భంలో థాయ్ బాక్సింగ్ నేర్చుకోమని వైష్ణవ్‌కు పవన్ కల్యాణ్ సలహా ఇచ్చాడట. దాంతో తొమ్మిది నెలలు కష్టపడి థాయ్ బాక్సింగ్ నేర్చుకున్నాడట వైష్ణవ్. ఈ విషయాల్ని నాగబాబే చెప్పారు. అంతేకాదు వైష్ణవ్ థాయ్ బాక్సింగ్ చేస్తున్న వీడియోను చూసి నాగబాబు ఆశ్చర్యపోయారట. మామయ్యల మాటకు వైష్ణవ్ ఇచ్చే గౌరవం ఇదన్నమాట.
‘ఉప్పెన’ తొలి సినిమా కాబట్టి మెగా కుటుంబం సెట్స్‌కి వెళ్లి సూచనలు, సలహాలు ఇచ్చిందని అందరూ అనుకుంటారేమో. కానీ అలా జరగలేదట. ఎందుకంటే వైష్ణవ్ ఎప్పుడూ ఎవరినీ సెట్స్ కు రానిచ్చేవాడు కాదట. మెగా ఫ్యామిలీలో కుర్రాళ్లకి కుటుంబ సభ్యుల ముందు నటించాలంటే సిగ్గుగా ఉంటుందంటూ ఇంట్రెస్టింగ్‌ న్యూస్‌ చెప్పాడు నాగబాబు. అయితే రామ్ చరణ్ మాత్రం వైష్ణవ్ నటన చూశాడట. అంతేకాదు సినిమా గురించి, వైష్ణవ్ గురించి పాజిటివ్ ఫీడ్ బ్యాక్ ఇచ్చాడట. ఈ విషయాల్నీ నాగబాబే చెప్పారు. చూద్దాం ఈ నెల 12నేగా ‘ఉప్పెన’ వచ్చేది.
Most Recommended Video
వామ్మో.. సుమంత్ ఇన్ని హిట్ సినిమాలను మిస్ చేసుకున్నాడా..!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
ఈ 10 మంది బుల్లితెర సెలబ్రిటీలు 30 ఏళ్ళ వయసొచ్చినా పెళ్లి చేసుకోలేదట..!
