ఓటీటీ ఎంట్రీపై నాగచైతన్య కామెంట్స్!

ఒకప్పుడు స్టార్ హీరో, హీరోయిన్లు కేవలం సినిమాలకు మాత్రమే పరిమితమయ్యేవారు. బుల్లితెర షోలలో కనిపించడానికి పెద్దగా ఆసక్తి చూపేవారు కాదు. కానీ కాలం మారుతున్న కొద్దీ వాళ్లలో కూడా మార్పొచ్చింది. రియాలిటీ షోలను హోస్ట్ చేస్తూ.. వెబ్ సిరీస్ లలో నటిస్తూ అభిమానులకు మరింత చేరువ అవుతున్నారు. ఎన్టీఆర్, నాగార్జున, నాని లాంటి హీరోలు బిగ్ బాస్ షోకి హోస్ట్ లుగా వ్యవహరించారు. నటి సమంత కూడా సామ్ జామ్ షోకి హోస్ట్ గా వ్యవహరించారు.

అలానే త్వరలోనే ‘ఫ్యామిలీ మేన్2’ వెబ్ సిరీస్ తో ఓటీటీలోకి ఎంట్రీ ఇవ్వనుంది. ఇప్పుడు ఆమె భర్త, హీరో నాగచైతన్య కూడా ఓటీటీలోకి ఎంట్రీ ఇవ్వడానికి సిద్ధమవుతున్నారు. ఇప్పుడు కాకపోయినా.. భవిష్యత్తులో ఓటీటీలోకి ఎంట్రీ ఇచ్చే అవకాశాలు ఉన్నాయి. తాజాగా ఓ ఇంటర్వ్యూలో మాట్లాడిన నాగచైతన్య ఓటీటీల గురించి మాట్లాడుతూ.. తనకు డిజిటల్ స్క్రీన్ పై ఎంట్రీ ఇవ్వాలనే ఆలోచన ఉందని చెప్పారు. ఆ దిశగా ప్లాన్ చేస్తానంటూ చెప్పుకొచ్చారు.

నాగచైతన్య ఓటీటీలోకి ఎంట్రీ ఇస్తే ఎవరి దర్శకత్వంలో నటిస్తారో చూడాలి. ప్రస్తుతం చైతు వరుస సినిమాలతో బిజీగా గడుపుతున్నారు. శేఖర్ కమ్ముల దర్శకత్వంలో చైతు నటించిన ‘లవ్ స్టోరీ’ సినిమా ఏప్రిల్ 16న విడుదల కానుంది. ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఇక విక్రమ్ కుమార్ దర్శకత్వంలో ‘థాంక్యూ’ అనే సినిమాలో నటిస్తున్నాడు చైతు.

Most Recommended Video

కాపటధారి సినిమా రివ్యూ & రేటింగ్!
దృశ్యం 2 సినిమా రివ్యూ & రేటింగ్!
ఉప్పెన సినిమా రివ్యూ & రేటింగ్!