కింగ్ నాగార్జున, రాహుల్ రవీంద్రన్ డైరెక్షన్లో తెరకెక్కిన చిత్రం ‘మన్మధుడు2’. ఆగష్టు 9 న(రేపు) ఈ చిత్రం భారీ స్థాయిలో విడుదల కాబోతుంది. రకుల్ ప్రీత్ సింగ్ హీరోయిన్ గా నటించిన ఈ చిత్రంలో సమంత, కీర్తి సురేష్ లు కీలక పాత్రలు పోషిస్తున్నారు. ‘వియాకామ్ 18 మోషన్ పిక్చర్స్’ ‘అన్నపూర్ణ స్టూడియోస్’ ‘ఆనంది ఆర్ట్ క్రియేషన్స్’ సంస్థలు కలిసి ఈ చిత్రాన్ని నిర్మిస్తున్నాయి. ‘ఆర్.ఎక్స్.100’ ఫేమ్ చైతన్ భరద్వాజ్ ఈ చిత్రానికి కూడా సంగీతమందించాడు.
నాగార్జున కెరీర్లో ఆల్ టైం హిట్ గా నిలిచింది ‘మన్మధుడు2’ చిత్రం. ఆ చిత్రానికి ఏమాత్రం తగ్గకుండా ఈ చిత్రం ఉంటుందని నాగార్జున ధీమా వ్యక్తం చేస్తున్నారు. అలా అని ఇది ‘మన్మధుడు’ కి సీక్వెల్ కాదని ఓ ఫ్రెంచ్ మూవీకి రీమేక్ గా తెరకెక్కించామని కూడా తెలిపారు. నాగ్ కాన్ఫిడెన్స్ వలనో ఏమో కానీ ఈ చిత్రాని అడ్వాన్స్ బుకింగ్స్ బాగా జరుగుతున్నాయి. ఇక ఓవర్సీస్ లో కూడా ఈ చిత్రాన్ని భారీ స్థాయిలో విడుదల చేస్తున్నారట. ప్రీమియర్లు కూడా ఓ రేంజ్లో పడుతున్నాయని సమాచారం. నాగార్జున కెరీర్లోనే హైయెస్ట్ ప్రీమియర్స్ పడుతున్నాయట. సినిమాకి ఏమాత్రం పాజిటివ్ టాక్ వచ్చినా.. వీకెండ్ కే సినిమా బ్రేక్ ఈవెన్ అవ్వడం ఖాయమని ట్రేడ్ పండితులు చెబుతున్నారు.
