Nagarjuna: ఆ మూవీ నాగార్జునకు తెగ నచ్చేసిందా?

October 18, 2021 / 06:21 PM ISTByFilmy Focus

Join Us

Nagarjuna: ఆ మూవీ నాగార్జునకు తెగ నచ్చేసిందా?

ప్రస్తుతం టాలీవుడ్ ఇండస్ట్రీలో స్ట్రెయిట్ సినిమాల కంటే రీమేక్ సినిమాలే ఎక్కువగా తెరకెక్కుతున్నాయి. రీమేక్ సినిమాలలో మెజారిటీ సినిమాలు సక్సెస్ అవుతున్న నేపథ్యంలో సీనియర్ స్టార్ హీరోలతో పాటు పాన్ ఇండియా ఇమేజ్ ఉన్న హీరోలు సైతం రీమేక్ లపై దృష్టి పెట్టారు. ముఖ్యంగా మలయాళంలో సక్సెస్ సాధించిన సినిమాలను రీమేక్ చేయడానికి టాలీవుడ్ హీరోలు సిద్ధంగా ఉండటం గమనార్హం. అయితే నాగార్జున కూడా ఒక రీమేక్ లో నటించబోతున్నారని తెలుస్తోంది.

ఈ ఏడాది జనవరిలో మలయాళంలో విడుదలై సక్సెస్ సాధించిన ‘ద గ్రేట్ ఇండియన్ కిచెన్’ మూవీ నాగార్జునకు చాలా నచ్చేసిందని సమాచారం. ఈ సినిమా రీమేక్ లో నటించాలని నాగార్జున భావిస్తున్నట్టు తెలుస్తోంది. తన సినీ కెరీర్ లో ఎక్కువగా స్ట్రెయిట్ సినిమాలే చేసిన నాగ్ మలయాళ రీమేక్ పై కన్నేయడం గమనార్హం. ఈ సినిమాలో సూరజ్, నిమిషా ప్రధాన పాత్రల్లో నటించారు. పెళ్లి చేసుకుని చాలా అశలతో అత్తారింటికి వచ్చిన యువతికి అక్కడ ఎదురైన పరిస్థితులకు సంబంధించిన కథాంశంతో ఈ సినిమా తెరకెక్కింది.

ఎమోషన్స్ కు ప్రాధాన్యత ఉండే ఈ మూవీ రీమేక్ పై నాగ్ మనసు పారేసుకున్నాడని తెలుస్తోంది. అయితే కొంతమంది మాత్రం నాగ్ తెలుగులో ద గ్రేట్ ఇండియన్ కిచెన్ రీమేక్ ను నిర్మించే అవకాశం ఉందని అభిప్రాయపడుతున్నారు. నాగార్జున స్పందిస్తే మాత్రమే ఈ సినిమా గురించి వైరల్ అవుతున్న వార్తల విషయంలో స్పష్టత వచ్చే ఛాన్స్ ఉంది.