Naga Chaitanya, Samantha Divorce: ‘నా ఫ్యామిలీ గురించి నెగెటివ్ రాయడం బాధించింది’: నాగార్జున

January 22, 2022 / 03:59 PM ISTByFilmy Focus

Join Us

Naga Chaitanya, Samantha Divorce: ‘నా ఫ్యామిలీ గురించి నెగెటివ్ రాయడం బాధించింది’: నాగార్జున

టాలీవుడ్ క్యూట్ కపుల్ సమంత-నాగచైతన్య విడాకులు తీసుకుంటున్నట్లు గతేడాది అక్టోబర్ 2న ప్రకటించిన సంగతి తెలిసిందే. ఇప్పటికీ వీరిద్దరికి సంబంధించిన వార్తలు సోషల్ మీడియాలో వైరల్ అవుతూనే ఉన్నాయి. సమంత ఎలాంటి పోస్ట్ పెట్టినా.. దానికి విడాకుల అంశాన్ని ముడిపెడుతూ వార్తలు ప్రచురిస్తున్నాయి. చైతు-సమంత విడిపోవడానికి ప్రధాన కారణాలు ఇవేనంటూ.. కొన్ని యూట్యూబ్ ఛానెల్స్ స్టోరీలు చేశాయి. సమంత బోల్డ్ రోల్స్ చేయడం నాగార్జున, నాగచైతన్యకి నచ్చలేదని.. ఆమెకి షరతులు విధించడంతో పాటు విడిపోవాల్సి వచ్చిందని..

Nagarjuna upset on Naga Chaitanya And Samantha1

ఇలా రకరకాల వార్తలు సోషల్ మీడియాలో వైరల్ అయ్యాయి. తాజాగా ఈ వార్తలపై నాగార్జున స్పందించారు. ఇటీవల ఆయన, నాగచైతన్యతో కలిసి ఓ నేషనల్ మీడియాకు ఇంటర్వ్యూ ఇచ్చారు. ఈ సందర్భంగా ఆయన చైతు-సమంత విడాకుల సమయంలో వచ్చిన వార్తలపై స్పందించారు. ‘ప్రస్తుతం ఉన్న రోజుల్లో కొందరు కావాలనే ఇలాంటి చెత్త వార్తలు సృష్టిస్తున్నారు. ముఖ్యంగా యూట్యూబ్ ఛానెల్స్ లో ఇలాంటి వాటికి కొదవే లేదు. నాపై అసత్య వార్తలు రాసినా.. పెద్దగా పట్టించుకోలేదు.

కానీ, నా ఫ్యామిలీ గురించి నెగటివ్‌గా వార్తలు రాయడం మాత్రం చాలా బాధించింది’ అని చెప్పుకొచ్చారు. ఇదే విషయంపై చైతు మాట్లాడుతూ.. అలాంటి వార్తలను పట్టించుకోనని చెప్పుకొచ్చారు. రీసెంట్ గా నాగార్జున-చైతు కలిసి నటించిన ‘బంగార్రాజు’ సినిమా ప్రేక్షకుల ముందుకు వచ్చింది. సంక్రాంతికి మరే పెద్ద సినిమా లేకపోవడం ‘బంగార్రాజు’కి బాగా కలిసొచ్చింది. బాక్సాఫీస్ వద్ద ఈ సినిమా భారీ కలెక్షన్స్ ను రాబట్టింది.