తెలుగు చిత్ర సీమలో జంధ్యాల, ఈవీవీ సత్యనారాయణ తర్వాత కామెడీ చిత్రాల స్పెషలిస్ట్‌గా పేరు తెచ్చకున్నారు శ్రీనువైట్ల. ప్రతి దర్శకుడికి ఒక సెంట్‌మెంట్ వున్నట్లే.. శ్రీనువైట్ల సినిమాల్లోనూ ఓ సీన్ రెగ్యులర్‌గా రీపిట్ అవుతూ వుంటుంది. అదే ‘తాగుబోతు’ల సీన్. సినిమాకి అదే పెద్ద హైలెట్ గా నిలిచి ప్రేక్షకులను కడుపుబ్బా నవ్విస్తుంది. ఆయన సినిమాలను బాగా చూసే వారు ఈ విషయాన్ని పక్కగా గుర్తుపట్టేస్తారు. అయితే కామెడీని ఇంత బాగా తీసే శ్రీనువైట్ల తొలినాళ్లలో ప్రేమకథలతోనే అలరించారు.
రవితేజతో నీకోసం అనే లవ్ అండ్ యాక్షన్ మూవీ చేశారు శ్రీనువైట్ల..ఈ సినిమా బాక్సాఫీస్ వద్ద పరాజయం పాలైంది. కానీ ఈ సినిమా అగ్ర కథానాయకుడు నాగార్జునని మాత్రం బాగా ఆకట్టుకుంది. ఆ వెంటనే శ్రీనువైట్లని పిలిచి సినిమా బాగా తీశావని కానీ.. మధ్యలో కామెడీ ఉంటే ఇంకా బాగుండేదని తన ఓపీనియన్ చెప్పారట. భవిష్యత్‌లో తీసే సినిమాల్లో కామెడీని టచ్ చేయమని నాగ్ సలహా ఇచ్చారట. అంత పెద్దాయన చెప్పేసరికి శ్రీనువైట్ల ఆ దిశగా ఆలోచించడం మొదలుపెట్టారు.
ఇక ఆకాశ్.. రేఖతో తీసిన తన రెండో సినిమా ఆనందంలో కథతో పాటుగా కామెడీని కూడా మిక్స్ చేశాడు. ఈ ప్రయోగం సక్సెస్ అవ్వడంతో కామెడీనే హీరోగా పెట్టి బ్లాక్ బస్టర్‌లు కొట్టాడు శ్రీనువైట్ల. ఆ వెంటనే వెంకీ, రెడీ, ఢీ, దూకుడు, అందరివాడు, దుబాయ్ శ్రీను వంటి సినిమాలతో టాలీవుడ్ టాప్ డైరెక్టర్లలో ఒకడిగా సెటిలయ్యాడు శ్రీను.
Most Recommended Video
సమంత- నాగచైతన్య మాత్రమే కాదు టాలీవుడ్లో ఇంకా చాలా మంది ఉన్నారు..!
‘రిపబ్లిక్’ మూవీలో గూజ్ బంప్స్ తెప్పించే డైలాగులు ఇవే..!
టాలీవుడ్ స్టార్ హీరోల ఇష్టమైన కార్లు..వాటి ధరలు
Home