‘హలో బ్రదర్’ సినిమా గురించి మనకు తెలియని సీక్రెట్..?

‘కింగ్’ నాగార్జున కెరీర్లో బిగ్గెస్ట్ హిట్స్ గా నిలిచిన సినిమాల్లో ‘హలో బ్రదర్’ కూడా ఒకటి. ఈ సినిమా ఇప్పటికీ ప్రేక్షకులని అలరిస్తూనే ఉంటుంది అనడంలో సందేహం లేదు. ఈ సినిమాలో నాగార్జున… దేవా మరియు రవి వర్మ పాత్రల్లో డబుల్ రోల్ చేసి అలరించాడు. ఈ చిత్రంలో ‘సుర్రు సుమ్మైపోద్ది’ అనే డైలాగ్ ఇప్పటికీ అందరి నోట్లో నానుతూనే ఉంది. కోట శ్రీనివాసరావు, మల్లికార్జున రావు, బ్రహ్మానందం కామెడీ కూడా సినిమాకి ప్లస్.

ఇక ఈ.వి.వి.సత్యనారాయణ డైరెక్షన్ మాస్ ప్రేక్షకుల్ని కూడా దృష్టిలో పెట్టుకుని ఈ చిత్రాన్ని తెరకెక్కించాడు. అయితే ఈ సినిమాలో నాగార్జున డబుల్ రోల్ కు ఓ హీరో డూప్ గా చేసాడట. ఇప్పటి వరకూ ఈ విషయం ఎప్పుడూ చెప్పని నాగార్జున… ‘బిగ్ బాస్3’ ఫైనల్ ఎపిసోడ్ లో రెవీల్ చేసాడట. ఈ చిత్రంలో నాగార్జున డూప్ గా చేసిన హీరో మరెవరో కాదు మన ఫ్యామిలీ హీరో శ్రీకాంత్ అట. ‘బిగ్ బాస్3’ ఫైనల్ కు శ్రీకాంత్ కూడా స్పెషల్ గెస్ట్ గా హాజరయ్యాడట. ఈ క్రమంలో నాగార్జున ఈ విషయాన్ని చెప్పుకొచ్చాడు.

‘హలో బ్రదర్’ సినిమాలో బాత్ టబ్ లో నా డూప్ గా యాక్ట్ చేసింది శ్రీకాంతే..! ఇద్దరం సేమ్ హైట్ కాబట్టి.. బాగా సెట్టైంది. మేమిద్దరం 4 సినిమాలు చేశామని మాత్రమే మీకు తెలుసు. కానీ ‘హలో బ్రదర్’ తో కూడా కలిపి 5 సినిమాలు చేసాం’ అంటూ నాగార్జున ఈ సీక్రెట్ ను రెవీల్ చేసాడు.

‘బిగ్ బాస్3’ కంటెస్టెంట్స్ రెమ్యూనరేషన్ ఎవరెవరికి ఎంతంటే?
‘బిగ్ బాస్3’ కంటెస్టెంట్ల గురించి ఆసక్తికరమైన విషయాలు