డైరెక్టర్ బోయపాటి శ్రీనివాస్ బాలయ్యబాబు కాంబినేషన్ అంటే ఫ్యాన్స్ కి వచ్చే ఆ కిక్కే వేరు. ఎందుకంటే, బాలయ్యబాబు కెరియర్ లోనే కమ్ బ్యాక్ మూవీగా నిలిచింది సింహా. ఆ తర్వాత బాలయ్యబాబు కెరియర్ గ్రాఫ్ ఎక్కడా తగ్గలేదు. అంతేకాదు, ఆ తర్వాత లెజెండ్ సినిమా కూడా బాలయ్యబాబు కెరియర్ లో వన్ ఆఫ్ ద గ్రేటెస్ట్ మూవీగా నిలిచింది. అందుకే, ఇప్పుడు ఈ క్రేజీ కాంబినేషన్ సినిమా కోసం ఫ్యాన్స్ అందరూ ఎంతగానో ఎదురుచూస్తున్నారు. బోయపాటి కాంబినేషన్ లో రాబోతున్న సినిమమాకి మోనార్క్ అనే టైటిల్ పెట్టాలని చూస్తున్నారు.
ఈ సినిమాని మే 28వ తేదిన విడుదల చేయబోతున్నట్లుగా రీసంట్ గా ప్రకటించిన సంగతి తెలిసిందే. అంతేకాదు, ఈ సినిమా తర్వాత బాలయ్య బాబు ఇంక సినిమా చేయట్లేదా అనే టాక్ కూడా ఇప్పుడు సోషల్ మీడియాలో హాట్ టాపిక్ అయ్యింది. ఎందుకంటే, పూర్తిగా రాజకీయాల్లో బిజీ అవ్వాలని బాలయ్యబాబు చూస్తున్నట్లుగా తెలుస్తోంది. తెలుగుదేశం పార్టీ పగ్గాలన్నింటిని దగ్గరుండీ చూసుకునే కీలకమైన బాధ్యతని తీస్కోబోతున్నారట. ప్రస్తుతం ఆంధ్రప్రదేశ్ లో వైయస్ ఆర్ సిపి పార్టీ ఎంత బలంగా మారిందో ప్రత్యేకించి చెప్పక్కర్లేదు. మరోవైపు జనసేనకి సీట్లు ఏమీ లేకపోయినా కూడా బీజెపీ పొత్తుతో ముందుకెళ్లాలని చూస్తోంది.
ఈనేపథ్యంలో తెలుగుదేశం పార్టీ ఇప్పుడు తమ కార్యక్రమాలని మరింత బలంగా మార్చాలని చూస్తోంది. అధికారపార్టీని దెబ్బకొట్టాలంటే ఖచ్చితంగా వ్యూహాత్మకమైన ఆలోచనలు చేయాల్సి ఉంటుంది. దీనికోసం పూర్తి సమయాన్ని కేటాయించాల్సి ఉంటుంది. అందుకే, బాలయ్యబాబు ఈ సినిమా తర్వాత రాజకీయాల్లో బిజీ అయిపోతాడనే అంటున్నారు. అప్పుడు బోయపాటితో చేసే సినిమానే లాస్ట్ అవుతుందా.. లేదా మరిన్ని సినిమాలు కమిట్ అవుతాడా అనేది ఆసక్తికరంగా మారింది. ప్రస్తుతం బోయపాటి సినిమా తర్వాత మరే ప్రాజెక్ట్ కి బాలయ్య కమిట్ అవ్వలేదు.
ఆదిత్య 369 సీక్వల్ తీద్దామనుకున్నా కూడా ఇంతవరకూ అది పట్టాలెక్కలేదు. మిగతా డైరెక్టర్స్ అందరూ కూడా బాలయ్యబాబు డేట్స్ కోసం ప్రస్తుతం వెయిట్ చేస్తున్నారు. కానీ దేనికి కమిట్ అవ్వలేదు బాలయ్య. మరి ఇప్పుడు పూర్తి సమయాన్ని రాజకీయాలకి కేటాయిస్తే బోయపాటి సినిమా తోనే ఫైనల్ టచ్ ఇస్తాడని టాక్. అదీ విషయం.
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
