Balakrishna: మా బాబాయిను నేనెందుకు అలా అంటాను… అక్కినేని వివాదానికి చెక్ పెట్టిన బాలయ్య!

గత రెండు రోజుల నుంచి సోషల్ మీడియాలో అక్కినేని వర్సెస్ నందమూరి అన్నట్టుగా వివాదం చెలరేగుతున్న విషయం మనకు తెలిసిందే. బాలకృష్ణ వీరసింహారెడ్డి సక్సెస్ మీట్ కార్యక్రమంలో భాగంగా అక్కినేని తొక్కినేని అంటూ చేసిన వ్యాఖ్యలు తీవ్ర దుమారం రేపాయి. దీంతో రెండు తెలుగు రాష్ట్రాలలో ఉన్న అక్కినేని అభిమానులు బాలకృష్ణ వ్యాఖ్యలపై తీవ్ర స్థాయిలో మండి పడటమే కాకుండా బాలకృష్ణ క్షమాపణలు చెప్పాలని కోరారు. ఇలా పలుచోట్ల పెద్ద ఎత్తున నిరసనలు కూడా తెలియజేశారు.

అయితే తాజాగా సత్య సాయి జిల్లా హిందూపురంలో పర్యటించిన బాలకృష్ణ అక్కినేని వివాదం పై స్పందించి క్లారిటీ ఇచ్చారు. ఈ సందర్భంగా బాలకృష్ణ మాట్లాడుతూ..వీర సింహారెడ్డి సినిమా సక్సెస్ మీట్ కార్యక్రమంలో భాగంగా తాను యాదృచ్ఛికంగా మాట్లాడిందే తప్ప ఉద్దేశపూర్వకంగా వారిని కించపరచాలన్న ఉద్దేశంతో మాట్లాడలేదని ఈయన క్లారిటీ ఇచ్చారు. తాను ఏఎన్నార్ గారిని బాబాయి అని పిలుస్తానని చెప్పారు తండ్రి నుంచి క్రమశిక్షణ ఏఎన్ఆర్ గారి నుంచి పొగడ్తలకు పొంగిపోకూడదనే విషయాలను

తాను నేర్చుకున్నానని తెలిపారు. ఇండస్ట్రీకి ఎన్టీఆర్ ఏఎన్ఆర్ ఇద్దరూ కూడా రెండు కళ్ళు లాంటివారు. నాన్నగారు చనిపోయిన తర్వాత ఆయన పేరుతో ఏర్పాటు చేసిన జాతీయ అవార్డును మొట్టమొదటిసారిగా నాగేశ్వరరావు గారికి అందించామని గుర్తు చేసుకున్నారు. ఏఎన్ఆర్ గారిని బాబాయి అంటూ పిలిచి నేను తనపై అనుచిత వ్యాఖ్యలు ఎలా చేస్తాను బాబాయ్ పై ప్రేమ ఇప్పటికీ గుండెల్లోనే అలాగే ఉంది.

బయట ఏం జరిగినా తాను పట్టించుకోనని ఈ సందర్భంగా బాలకృష్ణ అక్కినేని వివాదం పై స్పందించి క్లారిటీ ఇచ్చారు ఇప్పటికైనా ఈ వివాదం ఇంతటితో ఆగుతుందా లేక మరిన్ని పరిణామాలకు దారితీస్తుందా అనేది తెలియాల్సి ఉంది.

హంట్ సినిమా రివ్యూ & రేటింగ్!
పఠాన్ సినిమా రివ్యూ & రేటింగ్!

సౌందర్య టు శృతి హాసన్.. సంక్రాంతికి రెండేసి సినిమాలతో పలకరించిన హీరోయిన్ల లిస్ట్..!
అతి తక్కువ రోజుల్లో వంద కోట్లు కొల్లగొట్టిన 10 తెలుగు సినిమాలు!